आशाताई बच्छाव
टेंभुर्णीतील सर्व जि.प.शाळा झाल्या आधुनिक प्राथमिक सुविधांनी परिपूर्ण….
युवा मराठा न्युज पेपर अँड ऑनलाईन वेब पोर्टल महादेव घोलप सोलापूर.
टेंभुर्णी शहरातील सर्व जिल्हा परिषद शाळा अनेक वर्षापासून प्राथमिक सुविधांपासून वंचित होत्या. या सर्व शाळांमधून समाजातील सर्व जातीतील गोरगरीब पालकांची मुले शिक्षण घेतात. अनेक शाळांची विजेची बिले थकित असल्यामुळे वीज कनेक्शन बंद करण्यात आले होते… तर अनेक शाळांमध्ये स्वच्छ पिण्याच्या पाण्याची सुविधा नव्हती. वीज नसल्याने डिजिटल लर्निंग थांबलेले होते.
या सर्व मुलांच्या शैक्षणिक प्रगतीसाठी व त्यांच्या आरोग्यासाठी टेंभुर्णी ग्रामपंचायतीच्या वतीने अतिशय योग्य व अनुकूल निर्णय घेण्यात आला आहे.ग्रामपंचायतीच्या 15 व्या वित्त आयोगाच्या निधीतून सर्व जि. प. शाळांना ३ KW सोलरपॅनल, बॅटरी, इन्व्हर्टर तसेच ताशी २५ लिटर चा R.O. वॉटर प्युरिफायर या वस्तूंचा पुरवठा करण्यात आला आहे व १-२ दिवसामध्ये याची जोडणी पूर्ण करण्यात येणार आहे.
यामुळे सर्व शाळांमधील विजेचा प्रश्न मार्गी लागला असून आता सर्व शाळांमध्ये २४ तास वीज उपलब्ध होणार आहे, त्यामुळे विद्यार्थ्यांच्या शैक्षणिक अडचणी दूर होत आहेत तसेच यापुढे सर्व विद्यार्थ्यांना स्वच्छ व निर्जंतुक पिण्याचे पाणी उपलब्ध होणार आहे.ग्रामपंचायत टेंभुर्णी कडून पुरविलेल्या या साधनांचा तेथील शिक्षक वर्ग योग्य वापर करतील व त्यामुळे टेंभुर्णीतील सर्व जि. प. प्राथमिक शाळेतील विद्यार्थ्यांचे आरोग्य व शिक्षण सुखकर होईल यात आता शंका नाही.येणाऱ्या काळात लवकरच सर्व जिल्हा परिषद शाळांमधील शौचालयांचे नूतनीकरण करण्यात येणार आहे.