आशाताई बच्छाव
टेंभुर्णी पोलीस ठाणे कडून अत्यंत महत्त्वाच्या सूचना
युवा मराठा न्युज पेपर अँड ऑनलाईन वेब पोर्टल महादेव घोलप
सध्या उन्हाळ्याचे दिवस सुरु असल्याने शहरी व ग्रामीण भागात नागरिक घरास कुलूप लावून गच्चीवर किंवा टेरेसवर जाऊन झोपतात. रात्रीचे सुमारास चोरटे लक्ष ठेवून घराचे कुलूप तोडून घरात प्रवेश करून चोरी करतात असे प्रकार घडलेले आहेत.
तरी सर्व नागरिकांना कळविण्यात येते की त्यांनी गच्चीवर झोपते वेळी घरातील मौल्यवान वस्तू (सोने, चांदी, जवाहर, हिरे व रोख रक्कम) ही सुरक्षित ठिकाणी ठेवावी. तसेच बाहेरगावी जातेवेळी वरील मौल्यवान वस्तू सुरक्षित ठिकाणी ठेवाव्यात अथवा जवळचे विश्वासाचे नातेवाईक यांच्याकडे ठेवाव्यात, जेणेकरून चोरीस जाणार नाहीत याची काळजी घ्यावी. वाडी-वस्तीवरील लोक घरामध्ये एकटेच राहणार नाहीत याबाबत काळजी घ्यावी. ग्राम सुरक्षा यंत्रणेचा वापर करावा, ग्राम सुरक्षा यंत्रणेबाबत माहिती नसल्यास आपले गावातील पोलीस पाटील यांच्याकडून माहिती घ्यावी.
बाहेरगावी जाताना आपल्या शेजाऱ्यांना कळवावे व घराकडे लक्ष ठेवण्यास सांगावे. बाहेरगावी जाताना शक्यतो घरातील एक सदस्य घरात असावा.सध्या गुढीपाडवा, रमजान ईद, रामनवमी, डॉ. बाबासाहेब आंबेडकर जयंती, महात्मा फुले जयंती व हनुमान जयंती या सारख्या महत्त्वाच्या सणांचा कालावधी असल्याने घरामध्ये मौल्यवान वस्तू बाळगल्या जातात. परंतु त्या सुरक्षित रित्या बाळगाव्यात. आपल्या मौल्यवान वस्तू चोरी होणार नाही याची दक्षता घ्यावी. एसटी स्टँड येथून प्रवास करताना शक्यतो कमी मौल्यवान वस्तू जवळ बाळगाव्यात. गर्दीचा फायदा घेऊन चोरटे चोरी करतात, प्रवासामध्ये मौल्यवान वस्तूंची चोरी होणार नाही याबाबत दक्षता घ्यावी.
रात्रीच्या वेळी चोरीच्या संदर्भाने काही प्रकार घडल्यास किंवा निदर्शनास आल्यास 112, 02183- 231233 वर संपर्क करावा.असे टेंभूर्णी पोलिस स्टेशन ए पी आय
दीपक पाटील यांनी केले आहे.
