आशाताई बच्छाव
उत्कृष्ट कामगिरी बद्दल उपविभागातून एकमेव संग्रामपूर तहसीलच्या तलाठी कांबळे सन्मानित
ज्ञानेश्वर पाटील दांदळे विशेष प्रतिनिधी
( युवा मराठा न्यूज नेटवर्क)
मागील वर्षात केलेल्या उत्कृष्ट कार्याची दखल घेऊन संग्रामपूर तहसील येथील कार्यरत तलाठी सुषमा कांबळे मॕडम यांना महसूल विभागाने प्रशस्तीपत्रक व पुरस्कार देऊन सन्मानित केले. महसुल दिनी १ ऑगस्ट रोजी जाहीर झालेला हा पुरस्कार त्यांना नुकताच बुलडाणा येथे पार पडलेल्या कार्यक्रमात बुलढाणा जिल्हाधिकारी एस. राममुर्ती यांच्या हस्ते सन्मानपूर्वक प्रदान करण्यात आला.
जळगाव उपविभागातून पुरस्कार मिळवलेल्या कांबळे मॕडम एकमेव तलाठी आहेत. यांनी कोरडा दुष्काळ, ओला दुष्काळ, आदी नैसर्गिक आपत्ती येणाऱ्या शेतकऱ्यांच्या शेतात जाऊन सर्व्हे केला. त्यामुळे त्यांची कर्तव्यदक्ष तलाठी म्हणून तालुक्यात ओळख आहे. महाराजस्व अभियान, सात बारा संगणकीकरण, नैसर्गिक आपत्ती, अतिक्रमण निष्कासन, ई फेरफार, पीक कापणी प्रयोग, आणेवारी आदी दैनंदिन कामे त्यांनी उत्कृष्ठ केली आहेत. या कामगिरी बदद्ल तसेच जनतेला तत्पर सेवा देऊन महसूल ची जनतेमध्ये प्रतिमा उंचावल्यामुळे जिल्हाधिकारी यांच्या हस्ते त्यांना गौरवण्यात आले. जिल्हाधिकारी कार्यालयात पार पडलेल्या या कार्यक्रमाला महसुल विभागाचे अधिकारी उपस्थित होते. संग्रामपूर येथील तहसील कार्यालयात सेवेत असलेल्या पुरस्कार प्राप्त तलाठी कांबळे मॕडम सध्या खळद बु, काकनवाडा खु, येथे कार्यरत आहेत. जळगाव उपविभागातून सन्मानित झालेल्या त्या एकमेव ठरल्या आहेत.