आशाताई बच्छाव
देगलुरकराचां डंका महाराष्ट्र भर गाजवतोय धनाजी जोशी-सामाजिक न्यायमंत्री संजय शिरसाठ
संभाजीनगरात धनाजी जोशी यांना ‘हिरोज ॲवार्ड’ने सन्मान.
मराठवाडा विभागीय संपादक मनोज बिरादार
संभाजीनगर येथे आयोजित भव्य कार्यक्रमात महाराष्ट्राचे सामाजिक न्यायमंत्री संजय शिरसाठ यांच्या हस्ते देगलुरकरांचे भूषण धनाजी जोशी यांना ‘आर्ट ऑफ लिव्हिंग’चा प्रतिष्ठित ‘अनसंग एव्हरीडे हिरोज पुरस्कार’ प्रदान करून गौरविण्यात आले. समाजसेवा आणि जनकल्याण क्षेत्रात केलेल्या उल्लेखनीय कार्याची दखल घेत हा सन्मान त्यांना देण्यात आला.
कार्यक्रमाला विविध क्षेत्रातील मान्यवरांची उपस्थिती लाभली. संभाजीनगरचे महापौर समीर पाटील राजुरकर, विभागीय आयुक्त जी. श्रीकांत, जिल्हाधिकारी गौडा जी.सी., मनपा नगरसेवक ऋषिकेश जैस्वाल, महाराष्ट्र अपेक्स मेंबर पांडुरंग शेळके, राज्य शास्तारे, जयश्री पाटील आदी प्रमुख उपस्थित होते. सर्व मान्यवरांनी धनाजी जोशी यांच्या कार्याचे कौतुक करत त्यांना पुढील वाटचालीसाठी शुभेच्छा दिल्या.
यावेळी बोलताना मंत्री संजय शिरसाठ यांनी सांगितले की, समाजात सकारात्मक बदल घडवून आणण्यासाठी कार्य करणाऱ्या व्यक्तींना अशा पुरस्कारांद्वारे प्रोत्साहन मिळते. धनाजी जोशी यांचे कार्य इतरांसाठी प्रेरणादायी असून त्यांनी समाजहितासाठी केलेले योगदान अत्यंत महत्त्वाचे आहे, असेही त्यांनी नमूद केले.
कार्यक्रमात उपस्थित मान्यवरांनीही आपल्या मनोगतातून समाजसेवेचे महत्त्व अधोरेखित केले. अशा सन्मानांमुळे समाजात कार्य करणाऱ्या व्यक्तींना नवी ऊर्जा मिळते आणि इतरांनाही समाजकार्यात सहभागी होण्यासाठी प्रेरणा मिळते, असे मत त्यांनी व्यक्त केले.
धनाजी जोशी यांनी पुरस्कार स्वीकारल्यानंतर आपल्या भावना व्यक्त करताना सांगितले की, हा सन्मान त्यांच्या एकट्याचा नसून त्यांच्या सोबत काम करणाऱ्या सर्व सहकाऱ्यांचा आहे. समाजासाठी काम करण्याची प्रेरणा यामुळे अधिक बळकट झाली असून भविष्यातही अधिक जोमाने कार्य सुरू ठेवणार असल्याचे त्यांनी स्पष्ट केले.
कार्यक्रमात उपस्थित नागरिकांनीही मोठ्या उत्साहात सहभाग घेतला. ‘आर्ट ऑफ लिव्हिंग’ संस्थेच्या माध्यमातून विविध सामाजिक उपक्रम राबवले जात असून, अशा उपक्रमांमुळे समाजात सकारात्मक परिवर्तन घडवण्यास हातभार लागत असल्याचे यावेळी अधोरेखित करण्यात आले.
तसेच हा पुरस्कार जाहिर झाल्याबद्दल देगलुर येथे धनाजी जोशी यांचा कॉग्रेसचे नगरसेवक शत्रुघ्न वाघमारे मित्र परिवाराच्या वतिने व भाजपाचे पदाधिकारी दिपक संगमकर यांच्या मित्र परिवाराच्या वतिने सत्कार करण्यात आला,यावेळी भारतीय जनता पक्षाचे शहराध्यक्ष प्रशांत दासरवार,युवक कॉंग्रेसचे तालुका अध्यक्ष प्रशांत पाटिल दोसपल्ले,भाजपाचे सचिन कांबळे,शहर उपाध्यक्ष उमाकांत देसाई हवरगेकर,दिव्यांग मित्र बालाजी कांबळे,बालाजी बद्रिवार,काकाणी सेठ आदीची उपस्थिती होते आणि ऑर्ट ऑफ लिवींग परिवार देगलुरचे मानधना सर,नंदकिशोर दामेकर सर,लहुकुमार मरतुळे सर,किरण मुधोळकर यांनीही धनाजी जोशी यांना शुभेच्छा दिल्या..
