आशाताई बच्छाव
अजमिर सौंदाणे व बागलाण तालुक्यातील संपूर्ण परिसरात पावसाची दमदार पणे हजेरी—–जगदिश बधान प्रतिनिधी युवा मराठा न्युज नेटवर्क
बागलाण तालुक्यात व अजमिर सौंदाणे परिसरात पावसाने उशिरा पण दमदारपणे हजेरी लावल्याने शेतकरी वर्गात समाधान व्यक्त करण्यात येत आहे. जून महिना संपत आला तरी पावसाने पाठ फिरवली असे वाटत असताना आज रोजी साडे चार वाजेच्या सुमारास अचानकपणे पावसाचे वातावरण तयार होऊन अतिशय जोरात विजांच्या कडकडाटासह पाऊस सुरू झाला जवळपास एक तास चालू असणाऱ्या पाऊसाने पाणीच पाणी करून दिले प्रत्येक शिवारात नदी नाले ओसंडुन वहात होते , गावाजवळ असणाऱ्या अमृत संजीवनी व गायमुख नदीला बऱ्याच कालावधीत पाणी आल्याने पूर पहाण्यासाठी गावकऱ्यांनी गर्दी केली परिसरात संपूर्ण शिवारात शेतकरी वर्गात आनंदाचे वातावरण दिसून येत आहे व लवकरच शेतीत मशागतीची लगबग चालू होईल व पेरण्या पूर्ण होतील
