आशाताई बच्छाव
प्लास्टिक पासून होणारे परिणाम यावर राष्ट्रीय महाविद्यालयात कार्यशाळा संपन्न
चाळीसगाव प्रतिनिधी विजय पाटील – रोटरी क्लब ऑफ चाळीसगाव व देवरे फाउंडेशन आयोजित” एका प्लास्टिकची दुसरी गोष्ट” प्लास्टिक पासून होणारे परिणाम यावर राष्ट्रीय महाविद्यालय हिरापूर रोड चाळीसगाव येथे कार्यशाळा घेण्यात आली.
कार्यक्रमाचे प्रास्ताविक रोटरी क्लब अध्यक्ष ब्रिजेश ( भैया ) पाटील यांनी केले. प्रकल्प मार्गदर्शक रोटे डॉ.सौ उज्वला देवरे यांनी प्रकल्पाची संकल्पना मांडली. प्रमुख पाहुणे म्हणून डॉ.सौ संगीता चव्हाण यांनी कार्यक्रमाचे उद्घाटन केले. कार्यक्रमाचे अध्यक्ष प्राचार्य डॉ. एस आर जाधव यांनी भूषवले. प्रकल्प प्रमुख रोटे,अनिल मालपुरे यांनी आभार व्यक्त केले या कार्यक्रमासाठी पुणे व मुंबई येथून ग्रीन वर्क ट्रस्टच्या मार्गदर्शिका कु. गार्गी गीध व सौ रुपाली नाईक यांनी प्लास्टिक पासून होणारे दुष्परिणाम, प्लास्टिकचे वीस वर्षापासून ते चारशे वर्षांपासूनचे आयुष्य व प्लास्टिकचे पार्टीकल तयार होऊन ते डम्पिंग स्टेशन ,नाले, गटारी , समुद्र व समुद्रातून मासे व आपल्या अन्नसाखळीत शिरून ते माणसाच्या शरीरापर्यंत पोहोचून रक्तात सुद्धा प्रवेश केला आहे. असे सविस्तर विवेचन प्लास्टिक पासून होणारे दुष्परिणामांचे विद्यार्थ्यांना दिले. कार्यक्रमासाठी रोटे बलदेव पूंशी, राजेंद्र कटारिया, सोपान चौधरी, सीमा शर्मा, सौ सरोज जाधव, सौ सरला साळुंखे यासह डॉ, रवींद्र निकम, उप प्राचार्य मगर मॅडम व राष्ट्रीय महाविद्यालयातील सर्व कर्मचारीवृद उपस्थित होते. कार्यक्रमाचे सूत्रसंचालन आभार प्रा. निकम सर यांनी केले.
