आशाताई बच्छाव
तालुकास्तरीय शालेय खो-खो क्रीडा स्पर्धा आश्रम शाळा देवळी येथे संपन्न….
चाळीसगाव प्रतिनिधी विजय पाटील – तालुकास्तरीय शालेय खो-खो क्रीडा स्पर्धा नानासो. उत्तमराव पाटील आदिवासी प्राथमिक, माध्यमिक व उच्च माध्यमिक आश्रम शाळा देवळी येथे संपन्न झाल्या. क्रीडा स्पर्धेचे उद्घाटन शिवाजी शिक्षण प्रसारक मंडळाचे सचिव आदित्य सूर्यवंशी यांनी केले. यावेळी चाळीसगाव तालुका क्रीडा अधिकारी जगदीश चौधरी, एरंडोल तालुका क्रीडा अधिकारी गुरुदत्त चव्हाण, तालुका क्रीडा समन्वय अजय देशमुख देवळे आश्रम शाळेचे मुख्याध्यापक सतीश पाटील , तुषार खैरनार उपस्थित होते. चाळीसगाव तालुक्यातील अनेक शाळेतील चौदा, सतरा व एकोणवीस वर्षे वयोगटातील मुले व मुलींच्या संघांनी या क्रीडा स्पर्धेत भाग घेतला.
तालुकास्तरीय क्रीडा स्पर्धेत चौदा वर्षे वयोगटातील मुलांमध्ये प्रथम क्रमांक आश्रम शाळा देवळी, द्वितीय क्रमांक माध्यमिक विद्यालय खेडगाव , तृतीय क्रमांक जयहिंद विद्यालय चाळीसगाव तसेच मुलींमध्ये प्रथम क्रमांक शिवाजी माध्यमिक विद्यालय टाकळी प्र.दे., द्वितीय क्रमांक हॅरीसन पब्लिक स्कूल, तृतीय क्रमांक माध्यमिक विद्यालय खेडगाव या संघांनी यश संपादन केले. सतरा वर्षे वयोगटातील मुलांमध्ये प्रथम क्रमांक आश्रम शाळा मेहुनबारे, द्वितीय क्रमांक आश्रम शाळा करागाव, तृतीय क्रमांक आश्रम शाळा देवळी. तसेच मुलींमध्ये प्रथम क्रमांक शिवाजी माध्यमिक विद्यालय टाकळी प्र.दे., द्वितीय क्रमांक आश्रम शाळा राजदेहरे, तृतीय क्रमांक आश्रम शाळा देवळी या संघांनी यश संपादन केले. एकोणावीस वर्षे वयोगटात मुलांमध्ये प्रथम क्रमांक आश्रम शाळा देवळी, द्वितीय क्रमांक राष्ट्रीय विद्यालय चाळीसगाव, तृतीय क्रमांक के. आर. कोतकर जुनिअर कॉलेज चाळीसगाव. तसेच मुलींमध्ये प्रथम क्रमांक आश्रम शाळा देवळी, द्वितीय क्रमांक के. आर. कोतकर, जुनिअर कॉलेज चाळीसगाव तर तृतीय क्रमांक राष्ट्रीय विद्यालय चाळीसगाव येथील संघांनी यश संपादन केले.
