आशाताई बच्छाव
तालुका स्तरीय मैदानी क्रीडा स्पर्धेत चांदवड येथील श्रीमती जे.आर.गुंजाळ विद्यालयातील विद्यार्थ्यांची चमकदार कामगिरी
३००० मीटर धावणे स्पर्धेत रोशन वाघ प्रथम
दैनिक युवा मराठा
चांदवड प्रतिनिधी–लक्ष्मण आवारे
२६ व २७ सप्टेंबर रोजी जनता विद्यालय काजी सांगवी येथे म.वि.प्र.सेवक संचालक व तालुका क्रीडा संचालक जगन्नाथ निंबाळकर यांच्या मार्गदर्शनाखाली तालुकास्तरीय विविध मैदानी क्रीडा स्पर्धा पार पडल्या. या मैदानी क्रीडा स्पर्धांमध्ये श्रीमती जे.आर गुंजाळ, माध्य व उच्च माध्यमिक चांदवड विद्यालयातील विद्यार्थ्यांनी घवघवीत यश संपादन केले. सतरा वर्ष वयोगटातील ३००० मीटर धावणे स्पर्धेत रोशन जयराम वाघ या विद्यार्थ्यांने प्रथम क्रमांक संपादन केला तर ऋतुजा संदीप गायकवाड या विद्यार्थिनींने तृतीय क्रमांक संपादन केला. ८०० मीटर धावणे क्रीडा स्पर्धेत जयेश केदा पवार या विद्यार्थ्याने द्वितीय क्रमांक प्राप्त केला. ४०० मीटर धावणे क्रीडा स्पर्धेत पूजा राजेंद्र शिंदे या विद्यार्थिनीने द्वितीय क्रमांक मिळविला. थाळीफेक स्पर्धेत सचिन संतोष पवार या विद्यार्थ्याने तृतीय क्रमांक पटकावला. लांब उडी स्पर्धेत पूजा राजेंद्र शिंदे या विद्यार्थिनीने प्रथम क्रमांक प्राप्त केला. उंच उडी स्पर्धेत अजय मोगल माळी या विद्यार्थ्याने प्रथम क्रमांक मिळविला. हातोडा फेक क्रीडा स्पर्धेत सिद्धेश श्रीहरी ठाकरे या विद्यार्थ्यांने प्रथम क्रमांक मिळविला. तीन किलोमीटर चालणे या स्पर्धेत वैष्णवी देवीदास उगले या विद्यार्थिनीने द्वितीय क्रमांक प्राप्त केला. तसेच विभाग स्तरावरील पार पडलेल्या कुस्ती स्पर्धेमध्ये 48 किलो वजन गटात समीर ठमके या विद्यार्थ्याने प्रथम क्रमांक प्राप्त केला या विद्यार्थ्यांची राज्यस्तरावर निवड झाली त्यांच्या या यशाबद्दल मराठा विद्या प्रसारक समाज संस्थेचे सरचिटणीस ॲड नितीन भाऊ ठाकरे, चांदवड तालुका संचालक डॉ. सयाजीराव गायकवाड,सेवक संचालक जगन्नाथ निंबाळकर , विद्यालयाचे मुख्याध्यापक संजय लोहकरे, पर्यवेक्षक प्रकाश आहेर उच्च माध्यमिक विभागाचे प्रमुख कुरणे सर प्राध्यापक, प्राध्यापिका, शिक्षक शिक्षिका व शिक्षकेतर बंधू भगिनी यांनी अभिनंदन केले. या विदयार्थ्यांना विद्यालयाचे क्रीडा शिक्षक ज्ञानेश्वर काळे सर यांचे मार्गदर्शन लाभले.
