आशाताई बच्छाव
निमगांव वाकडा ग्रामपंचायतीच्या उपसरपंच पदी सागर सस्कर यांची बिनविरोध निवड
दैनिक युवा मराठा
निफाड प्रतिनिधी रामभाऊ आवारे
लासलगाव जवळील निमगांव वाकडा तालुका निफाड येथील ग्रामपंचायतीच्या उपससरपंचपदी सागर सस्कर यांची बिनविरोध निवड झाली असल्याची माहिती सरपंच पुजा दरेकर यांनी दिली.
गेल्या वर्षी निमगांव वाकडा ग्रामपंचायतीची पंचवार्षिक निवडणुक होऊन त्यात लासलगांव बाजार समितीचे माजी उपसभापती ललित (संदीप) दरेकर, दिगंबर दरेकर यांचे नेतृत्वाखालील पॅनलने ग्रामपंचायतीची सत्ता ताब्यात घेतल्यानंतर ठरल्याप्रमाणे पहील्या एक वर्षासाठी सौ. अलका गायकर यांना उपसरपंचपदाची संधी देण्यात आली होती. त्यानुसार सौ. गायकर यांनी रोटेशन पध्दतीने मुदत संपल्यानंतर उपसरपंच पदाचा राजीनामा दिल्यामुळे रिक्त झालेल्या उपसरपंच पदाची निवडणुक घेण्यासाठी शुक्रवार (दि. 23) रोजी सकाळी 11.00 वा. ग्रामपंचायतीच्या कार्यालयात सरपंच पुजा दरेकर यांच्या अध्यक्षतेखाली सदस्य मंडळाची बैठक बोलाविण्यात आली होती.
सदर बैठकीत उपसरपंचपदासाठी सत्ताधारी गटाचे सागर सस्कर यांचे एकमेव नामनिर्देशन पत्र दाखल झाल्याने त्यांची उपसरपंचपदासाठी बिनविरोध निवड करण्यात आली.निमगांव वाकडा ग्रामपंचायतीचे ग्रामसेवक श्री. बत्तीसे यांनी निवडणुक प्रक्रियेचे कामकाज केले. याप्रसंगी सदस्य ललित दरेकर, विष्णु गायकर, निलेश पुरकर व सदस्या सुरेखा गोधडे यांचेसह इतर सदस्य उपस्थित होते.नवनिर्वाचित उपसरपंच सागर सस्कर यांची बिनविरोध निवड झाल्यानंतर दिंडोरी लोकसभा मतदार संघाचे उमेदवार भगरे सर, श्रीरामजी शेटे, कल्याणराव पाटील, जयदत्त होळकर, जगदीश होळकर, जयंत दिंडे यांनी त्यांचा सत्कार करून पुढील कार्यासाठी शुभेच्छा दिल्या.
