आशाताई बच्छाव
किर्लोस्कर कंपनीच्या सुरक्षा रक्षकाला मारहाण करुन चंदनाच्या झाडांची चोरी, ७ ते ८ जणांवर गुन्हा दाखल
पुणे ब्युरो चिफ उमेश पाटील
पुणे : दि. २४. खडकीतील किर्लोस्कर कंपनीच्या सुरक्षा रक्षकांला लोखंडी रॉडने मारहाण करुन ७ ते ८ जणांने ११ हजार रुपये किंमतीचे चंदनाची तीन झाडे तोडून नेले. मंगळवारी (दि.२२) राजी पहाटे साडेचारच्या सुमारास किर्लोस्कर कंपनीच्या परिसरात घडला आहे. याप्रकरणी प्रदिप कृष्णत देशमुख (वय – ४५ रा. कृष्ण कॉलनी, काळेवाडी, पुणे) यांनी खडकी पोलीस स्टेशन येथे तक्रार दिली आहे. खडकी पोलीसांनी ७ ते ८ जणांवर आय. पी. सी. कलाम ३९५ नुसार गुन्हा दाखल केला आहे. पोलीससूत्रानुसार फिर्यादी प्रदीप देशमुख हे किलोस्कर कंपनीत सुपरवायझर म्हणून काम करीत आहे. २२ ऑगस्ट रोजी पहाटेच्या सुमारास तिघेजण कंपनीच्या मागील संरक्षण भिंतीवरुन कंपनीच्या आवारात शिरले. तेव्हा सुपरवायझर यांनी शिट्टी वाजवली असता, चोरट्यांनी त्यांना धक्का बुक्की करुन खाली बसविले. त्यांच्या मदतीला आलेले सुरक्षारक्षक राजेंद्र पाटील यांच्या पाठीत चोरट्यानी लोखंडी रॉड मारुन खाली पाडले. फिर्यादी व आरोपी यांच्यात झटापट सुरु असताना आणखी दोन जण हातात रॉड घेऊन आले. त्यांनी राजेंद्र पाटील यांना रॉडने मारहाण केली. तसेच धमकी देऊन शांत बसण्यास सांगितले. आम्ही चंदनाची झाडे कापल्यानंतर निघून जाऊ असे म्हणाले. त्यावेळी मेनगेट मधून एक गाडी आत येवुन कटरच्या सहाय्याने आवारातील तीन चंदनाची झाडे कापण्यास सुरुवात केली. या चोरट्यांनी कंपनीच्या आवारातील ११ हजार रुपयांची तीन चंदनाची झाडे कापून नेली आहेत. अधिक तपास पोलीस निरीक्षक गुन्हे मानसिंग पाटील करीत आहेत
