अवैध गौण खनिज मुरूम उत्खननावर तहसीलदारांची कार्यवाही

आशाताई बच्छाव

अवैध गौण खनिज मुरूम उत्खननावर तहसीलदारांची कार्यवाही
तीस लाखांचा दंड ठोकला . –                            मयुर खापरे चांदूरबाजार________________________________________
तहसीलदार चांदूरबाजार यांनी नुकतीच अवैध्य गौण खनिज उत्खनन व वाहतूक प्रतिबंध करण्यासाठी माननीय उपविभागीय अधिकारी अचलपूर श्रीकांत उंबरकर यांचे मार्गदर्शनात तसेच तहसीलदार गीतांजली गरड यांचे आदेशाने प्रत्येक दिवसाला संपूर्ण तालुक्या करिता एक मंडळ अधिकारी यांच्या नेतृत्वात सहा तलाठ्यांचे एक पथक निर्माण करण्यात आले आहे त्यावर नियंत्रण म्हणून संबंधित नायब तहसीलदारांची नियुक्ती करण्यात आली आहे त्यामुळे आता दररोज अवैध उत्खनन व वाहतूक किंवा रेती साठा आढळून आल्यास त्यावर तात्काळ कार्यवाही करण्यात येत आहे एका आठवड्यात दोन वाळूचे साठे जप्त करण्यात आले आहेत
अवैध गौण खनिज उत्खननावर नियंत्रण मिळवण्यासाठी तहसील स्तरावर सातत्याने कार्यवाही करून अवैध उत्खनन व वाहतुकीवर प्रतिबंध मिळवला जात आहे त्याचाच एक भाग म्हणून जावरा येथील मुरूम उत्खननावर तहसीलदार गीतांजली गरड यांनी एका प्रकरणात 30,09,930 दंड ठोठावला आहे
ब्राह्मणवाडा थळी लगत असलेल्या चिंचोली येथील ग्रामस्थांनी केलेल्या तक्रारीच्या अनुषंगाने मौजा जावरा येथील गट नंबर 89 येथे होत असलेल्या अवैध उत्खननाबाबत तलाठी. मंडळ अधिकारी आणि सार्वजनिक बांधकाम विभागाचे अभियंता यांचे अहवाल प्राप्त झाल्यानंतर सर्व कश चौकशी करून सदर मुरूम खदानीची भूविज्ञान व खनिज संचालना नागपूर ( इ टी एस ) मार्फत अचूक मोजणी करण्यात आली. या मोजणीमध्ये संबंधित खदानी लगत *विनापरवाना* केलेले 382.32 ब्रास मुरमाचे अवैध उत्खनन आढळून आले. या आधारावर तहसीलदार गीतांजली गरड यांनी संबंधित गट धारकावर 3009930.32 रुपये दंड आकारला.
या कारवाईमुळे तालुक्यातील अवैध गौण खनिज उत्खनन आणि चोरी करणाऱ्यावर चांगलाच वचक बसला आहे