नाशिकमध्ये आषाढी एकादशी उत्साहात साजरी

आशाताई बच्छाव

नाशिकमध्ये आषाढी एकादशी उत्साहात साजरी नाशिक,( अँड नयना नागरे)-2015 मध्ये स्थापन झालेल्या रायगड चौक सिडको येथील प्रतिष्ठित रेनबो किड्स स्कूलमध्ये आषाढी एकादशी मोठ्या उत्साहात साजरी करण्यात आली.. छोट्या छोट्या बाळ गोपाळ यांनी वारकरी वेश परिधान केला होता तर मुलींनी नऊवारी साडी परिधान केली होती. दिंडी शाळेपासून ते विठ्ठल मंदिरापर्यंत नेण्यात आली यात मुलांचा तसेच पालकांचा उत्साह वाखणण्याजोगा होता. ज्युनिअर केजी मधील कुमार अद्वैत नागरे यांनी विठ्ठलाचे अत्यंत सुंदर रूप साकारले. रेनबो किड्स मधील सर्व मुला मुलींनी विठू माऊलीच्या विविध गाण्यांवर
नृत्य देखील केले. रेनबो किड्स स्कूलच्या मुख्याध्यापिका तसेच व्यवस्थापिका सौ.जयश्री वाघ यांनी कार्यक्रमाचे नियोजन केले होते.तसेच कार्यक्रम नियोजनबद्ध व उत्कृष्टरित्या पार पाडण्यासाठी योगिता टीचर प्राजक्ता टीचर तसेच नलिनी टीचर व इतर स्टाफ ने खूप मेहनत घेतली. चांगला पाऊस पडून आमच्या शेतकरी राजाला समृद्धी मिळावी असे साकडे विठू माऊली कडे करण्यात आले.