आशाताई बच्छाव
लोह्यात अजित पवार यांच्या निवडीचा राष्ट्रवादी काँग्रेस पार्टी कडून जल्लोष
अंबादास पाटिल पवार
लोहा/प्रतिनिधि
राष्ट्रवादी काँग्रेस पक्षाचे राज्याचे प्रमुख नेते अजित पवार यांनी सत्ताधारी पक्षासोबत युती केली. त्यांची राज्याच्या उपमुख्यमंत्री पदी निवड झाली त्यांच्या निवडीबद्दल लोहा तालुक्यातील राष्ट्रवादी काँग्रेस पक्षाच्या पदाधिकाऱ्यांच्या वतीने नांदेड ग्रामीणचे जिल्हा सचिव विलास पाटील घोरबांड यांच्या नेतृत्वाखाली फटाके फोडून तसेच मिठाई वाटून आनंदोत्सव साजरा करण्यात आला.
मागील कांहीं कालावधी पासून राज्यात विविध राजकीय घटना घडामोडी घडून आल्या. रविवारी राज्यातील राष्ट्रवादी काँग्रेस पक्षाचे प्रमुख नेते अजित पवार यांच्या नेतृत्वावर विश्वास ठेवून अनेक प्रमुख आमदार राज्यातील सत्ताधारी पक्षात (युती) धर्म पळून सहभागी झाले. त्यांना सत्ताधारी पक्षाकडून मंत्री पद देण्यात आले. त्यामध्ये अजित पवार यांना उपमुख्यमंत्री पद देण्यात आले. तर इतर आमदारांना मंत्रिमंडळात स्थान देण्यात आले. त्यांच्या निवडीबद्दल नांदेड ग्रामीणचे जिल्हा सचिव विलास पाटील घोरबांड यांनी समर्थक मंडळींसह आनंदोत्सव साजरा केला व त्यांच्या निर्णयाचे स्वागत केले. यावेळी राष्ट्रवादी काँग्रेस पक्षाचे कार्यकर्ते बहुसंख्येने उपस्थित होते.