आशाताई बच्छाव
भीम आर्मीचे संस्थापक अध्यक्ष चंद्रशेखर आझाद यांच्यावरील
भ्याड हल्ल्याचा जिल्हाप्रमुख सुभाष दांडेकर यांच्याकडून निषेध
जालना (दिलीप बोंडे ब्युरो चीफ) ः उत्तर प्रदेशातील देवबंदमध्ये भीम आर्मीचे संस्थापक अध्यक्ष चंद्रशेखर आझाद यांच्यावर जीवघेणा हल्ला झाला आहे. या हल्ल्यात चंद्रशेखर यांच्या गाडीचे मोठे नुकसान झाले. त्याचवेळी, एक गोळी त्यांच्या शरीराला स्पर्श करुन गेली. चालत्या वाहनावर रॅपिड गोळीबार करण्यात आला. या भ्याड हल्ल्याचा भीम आर्मीचे जालना जिल्हा प्रमुख सुभाष दांडेकर यांनी निषेध केला आहे.
या संदर्भात देण्यात आलेल्या प्रसिध्दी पत्रकात दांडेकर म्हणाले की, सहारनपूर जिल्ह्यातील देवबंदमध्ये भीम आर्मीचे संस्थापक आणि आझाद समाज पक्षाचे राष्ट्रीय अध्यक्ष चंद्रशेखर आझाद यांच्या ताफ्यावर कारमधून आलेल्या हल्लेखोरांनी गोळीबार केला. एक गोळी चंद्रशेखर यांच्या शरीराला स्पर्श करुन गेली. चंद्रशेखर हे देवबंदला 1 केव्हीमध्ये सहभागी होण्यासाठी जात होते. त्याच वेळी एका गाडीतून आलेल्या हल्लेखोरांनी त्यांच्यावर हल्ला केला. या हल्ल्याचा आपण जालना जिल्हा भिम आर्मीच्या वतीने निषेध करत आहोत. तसेच हल्लेखोरांना तात्काळ अटक करण्यात यावी या मागणीसाठी जिल्हाधिकारी कार्यालयासमोर शुक्रवार दि. 30 रोजी निषेध आंदोलन करण्यात येणार असल्याचे प्रसिध्दीपत्रकात शेवटी नमूद करण्यात आले आहे.