आशाताई बच्छाव
कळवण तालुक्यात काँग्रेस व राष्ट्रवादीला पुन्हा खिंडार
युवा मराठा न्यूज प्रतिनिधि :- सागर (गणेश) कांदळकर
बाळासाहेबांच्या शिवसेनेत शरद पगार आणि सागर जगताप यांची एंट्री !
कळवण : कळवण तालुक्यात कॉंग्रेस व राष्ट्रवादी काँग्रेस ला रामराम ठोकत बाळासाहेबांची शिवसेना (शिंदे गट) याकडे युवक वर्ग आकर्षित होत असून यामुळे दोन्ही काँग्रेसची युवाशक्ती कमी होत चालल्याचे दिसून येत आहे. कालच राष्ट्रवादी कॉंग्रेसचे माजी युवक तालुका अध्यक्ष शरद पगार यांची बाळासाहेबांची शिवसेना कळवण तालुकाप्रमुखपदी तर काँग्रेसचे शहराध्यक्ष सागर जगताप यांची कळवण शहरप्रमुख पदी निवड करण्यात आली आहे.
शिंदे गट म्हणजे अर्थातच बाळासाहेबांची शिवसेना सध्या सर्वत्र आपली क्रेझ निर्माण करीत असून काल झालेल्या नासिक येथील बैठीकीस हिंदूहृदय सम्राट बाळासाहेब ठाकरे व धर्मवीर आनंद
दिघे यांच्या आशिर्वादानें त्यांचप्रमाणे राज्याचे मुख्यमंत्री एकनाथ शिंदे यांच्या आदेशानुसार तसेच खा. श्रीकांत शिंदे सचिव संजय मोरे, संपर्क नेते संजय मसिळकर, पालकमंत्री दादा भुसे, खा. हेमंत गोडसे, आ. सुहास कांदे, संपर्क प्रमुख जयंत साठे, संजय बच्छाव, राजेंद्र
बाळासाहेबांची
सोनवणे यांच्या मार्गदर्शनाखाली नासिक जिल्हाप्रमुख भाऊलाल तांबडे यांच्या उपस्थितीत राष्ट्रवादी काँग्रेसचे माजी युवक तालुकाध्यक्ष शरद पगार यांची बाळासाहेबांची शिवसेना कळवण तालुकाप्रमुख पदी तर उपतालुकाप्रमुख अनिल गांगुर्डे यांची व काँग्रेसचे
शहराध्यक्ष सागर जगताप यांची कळवण शहरप्रमुख पदी निवड करण्यात आली आहे. नाशिक ग्रामीण उपजिल्हाप्रमुख पदी जितेंद्र पगार यांची निवड करण्यात आली आहे. यावेळी मानूर ग्रामपंचायत माजी उपसरपंच नरेंद्र पवार, निलेश पाकळे, दीपक पगार, किरण पगार आदी उपस्थित होते. कळवण तालुक्यात शिवसेना, युवा सेना यातून लवकरच काही पदाधिकारी व शिवसैनिक शिंदे गटात प्रवेश करणार असल्याची माहिती शरद पगार व सागर जगताप यांनी दिली असून बहुतांश पक्षातील विशेषतः राष्ट्रवादी व शिवसेना मधील पदाधिकारी आपल्या संपर्कात असल्याचे त्यांनी सांगितले आहे. परिणामी, आगामी काळात बाळासाहेबांची शिवसेना तालुक्यात जोर धरू लागल्यास नवल वाटायला नको.
