राजेंद्र पाटील राऊत
बिलोली तालुक्यातील कासराळी येथे बहिण भावावर भिंत कोसळून भावाचा मृत्यू तर बहिण गंभीर जखमी..
मनोज बिरादार मुखेड प्रतिनिधी (युवा मराठा न्यूज नेटवर्क)
बिलोली तालुक्यातील कासराळी येथे भिंत कोसळून घराच्या पाठीमागे खेळत असताना बाजूस असलेल्या शौचालयाची भिंत बहिण भावावर अचानक कोसळल्यामुळे यात 6 वर्ष भावाचा दुर्दैवी अंत झालातर 8वर्षाची बहीण गंभीररित्या जखमी झाली आहे ही घटना दिनांक 7 जानेवारी 2021 रोजी सायंकाळी घडली आहे. कासराळी येथील प्रभाग क्रमांक पाच मधील नवीन वस्तीत सुरेश चीदमलवार यांचे घर असून त्यांच्या घराच्या पाठीमागे त्यांची मुले लक्ष्मी व गायत्री ही मुले शौचालयाच्या बाजुस खेळत होती. दोघे खेळांमध्ये दंग असताना दोघांवर शेजारील घर मालकांच्या शौचालयाची एका बाजूची भिंत अचानक कोसळली. यात लक्ष्मण सुरेश चीदमलवार या बालकांच्या चेहऱ्यावर व डोक्यावर जबर मार लागल्याने दुर्दैवी अंत झाला.तर गायत्री या 8 वर्षीय बालिकेच्या पोटास व पायात जबर मार लागल्याने ती गंभीररित्या जखमी झाली आहे. तिच्यावर शासकीय वैद्यकीय महाविद्यालय विष्णुपुरी नांदेड येथे उपचार सुरू आहेत.दोन्ही भावंडे कोसळलेल्या विटांच्या ढिगाऱ्याखाली अडकले होते. त्यांना शेजाऱ्यांनी बाहेर काढले. अत्यंत गरीब कुटुंबातील भावंडांवर कोसळली भिंत मनाला चटका लावणारी आहे. या घटनेनंतर महिलांच्या आक्रोशाने नागरिकांनी या भावंडांना बाहेर काढून दवाखान्यात भरती केले. रुग्णालयात पोहोचल्यानंतर मुलाचा दुर्दैवी अंत झाला असून मुलीवर उपचार सुरू आहेत. घटनास्थळावर अनेकांनी गर्दी केली होती. या घटनेमुळे गावावर व परिसरात शोककळा पसरली आहे.