Yuva maratha news
कराटे क्लब तर्फे मोफत कराटे शिबिराचे आयोजन
नाशिक, दिलीप चव्हाण ब्युरो चीफ:- सध्याच्या युगात आपली मुले ही मोबाईल, तंत्रज्ञानाच्या जाळात अडकलेली आहे आणि ह्यामुळे ते शारीरिक व मानसिक रोगांचे शिकार बनत चाललेले आहे. त्यांचा आत्मविश्वास कमी होत आहे ते मनमोकळेपणाने संवाद साधताना घाबरत आहे त्यांच्या मनात अनेक भितीनी घर निर्माण केले आहे. ह्याच पार्श्वभूमीवर ओकिनावा कराटे क्लब, नाशिक यांच्यातर्फे खास मुलांसाठी उन्हाळ्याच्या सुट्टीमध्ये मोफत कराटे प्रशिक्षण शिबिराचे आयोजन करण्यात आले आहे. मुलांचा शारीरिक व मानसिक व बौद्धिक दृष्ट्या विकास होऊन त्यांच्या जीवनात त्यांना यशगोती साध्य व्हावी हा ह्या प्रशिक्षण शिबिराचा मानस हेतू आहे. शिबिरामध्ये वय वर्षे ५ पुढील वयोगटातील सर्व व्यक्तींसाठी प्रशिक्षण खुले आहे. प्रशिक्षणामध्ये योगा , विविध प्रकारचे व्यायाम, जिमनॅस्टिक , मुलांच्या उंचीची वाढ, मुलांचा सर्वांगीण विकास ह्या प्रशिक्षणाद्वारे करून घेण्यात येईल. हे प्रशिक्षण संपूर्णतः मोफत असून हे प्रशिक्षण दि. २ मे २०२४ पासून ३१ मे २०२४ पर्यंत सकाळी ७:०० ते ८:०० वाजेपर्यंत व संध्या ६:०० ते ७:०० ह्यावेळेत संपन्न होणार आहे. होणार आहे. तरी इच्छुकांनी अधिक माहितीसाठी संपर्क श्री. अरविंद भालेकर मो. ९५४५९७९५०१ किंवा ईमेल आयडी: arvindbhalekar1968@gmail.com . जास्तीत जास्त विद्यार्थ्यांनी, पालकांनी ह्या प्रशिक्षण शिबिरामध्ये सहभागी होऊन आपले जीवन आनंदमय व सुखमय करावे . विद्यार्थ्यांना आपल्या स्वसंरक्षणासाठी ह्या प्रशिक्षण शिबिरामध्ये नक्की सहभागी व्हावे ह्यामुळे त्यांच्या शारीरिक व मानसिक तसेच बौद्धिक विकासात उत्तुंगपणे वाढ होईल असे ३५-३७ वर्षे कराटे ह्या क्षेत्रात कार्यरत असलेले प्रदीर्घ अनुभवी कराटे प्रशिक्षक श्री. अरविंद भालेकर हयांनी सांगितले.
शिबिराचे ठिकाण:- एकमुखी दत्त मंदिर, अंगणवाडी हॉल , रविवार कारंजा, नाशिक -१ .
