Yuva maratha news
ईव्हीएम मध्ये बिघाड, पाण्याची असुविधा, तरी मतदार उत्साहात मोठा.
दैनिक युवा मराठा
पी.एन.देशमुख.
अमरावती जिल्हा विभागीय संपादक .
अमरावती.
अमरावती जिल्ह्याचा २० वा खासदार निवडीसाठी यावेळी शहरासह गावागावात उत्साह दिसून आला. काही केंद्रावर ईव्हीएम मध्ये बिघाड झाला तर कुठे पाण्याची असुविधा झाली. तरी मतदारांमध्ये उत्स्फूर्त उत्साह दिसून आला. अंगाची काहीही करणारे उन्ह राहणार असल्याने निवडणूक विभागाने मंडपाची व्यवस्था केली असली तरी मतदारांच्या उत्साहाने एन वेळी अनेक केंद्रावर नियोजन कलमंडल्याचे दिसून आले. अमरावती लोकसभा मतदारसंघासाठी शुक्रवारी २६ एप्रिल रोजी सकाळी ७ पासून मतदानाची प्रक्रिया सुरू झाली. जिल्ह्यात दोनच दिवसापासून अवकाळी पाऊस सुरू आहे. त्यातच गुरुवारी रात्री सर्वात्रिक पाऊस झाल्याने सकाळपासूनच वातावरण थंड हवा होता. त्यामुळे बहुतांश या नागरिकांची पावले मतदान केंद्राकडे वळली. शिवाय शहरासह ग्रामीण भागात तसेच मुस्लिम बहुल परिसरातील केंद्रावर एकच गर्दी झाल्याचे चित्र मतदान केंद्रावर दिसून आले. मतदारांचा ओघ दुपारनंतरही कायम होता. त्यामुळे मतदानाचा टक्का यावेळी वाढला आहे. अमरावती लोकसभा मतदारसंघ अंतर्गत सायंकाळी ५ पर्यंत ५४.५० टक्के मतदान झाले. यामध्ये बडनेरा मतदारसंघात ५०.६१,तिवसा५२.७१, अमरावती ५४.६१, दर्यापूर ५३, मेळघाट ५५.२०,व अचलपूर विधानसभा मतदारसंघात ६१.३३ टक्के मतदान झाले आहे. दुपारनंतर हे अनेक मतदान केंद्रावर उन्हामध्ये रांगा होत्या. काही मतदारांनी सावलीचा आडोसा घेतल्याचे दिसून आले.