आशाताई बच्छाव
नाशिक रोड प्रतिनिधी इम्तियाज अत्तार
बारदान गोदामाला लागलेल्या आगीमुळे नाशिकरोड परिसरात ९ दुकानांना झळ बसली. सुभाष रोडवर असलेल्या लाकडी आणि बारदानच्या गोदामला सकाळी १० च्या सुमारास ही आग लागली. त्यानंतर आग विझवण्यासाठी स्थानिकांनी प्रयत्न केले. काही वेळातच अग्निशमन दलाचे १६ बंब दाखल झाले व त्यांनी आगीवर नियंत्रण मिळवले. या आगीत सुदैवाने कोणतीही जीवितहानी झाली नाही. अचानक ही आग कशी लागली याचे कारण अद्याप समोर आले नाही. या आगीमुळे लाखोचे दुकानदारांचे नुकसान झाले आहे.
बाळासाहेब ठाकरे रुग्णालय बिटको हॉस्पिटल जवळ जुने कोर्टाच्या मागील बाजूस, आनंद कोम्पलेक्स समोर, सोमनाथ बाबा चाळ येथील अन्वर उमर खान, सुकडू उमर खान बारदान वाले यांच्या बारदानच्या गोदामाला ही आग लागली. सकाळी दहा वाजेच्या सुमारास या अगीचे नाशिकरोड मधील विविध भागातुन धुराचे लोट बाहेर येताना दिसत होते. नागरिकांनी तातडीने अग्निशमक दलाला कळवले.
