आशाताई बच्छाव
एसटी कामगार संघाच्या विभागीय अध्यक्षपदी आमदार डॉक्टर देवरावजी होळी यांची निवड
गडचिरोली,(सुरज गुंडमवार)
एसटी कर्मचारी संघाच्या बैठकीत कर्मचाऱ्यांनी केली निवड
सार्वजनिक विश्रामगृह गडचिरोली येथे झालेल्या बैठकीत केली घोषणा
गडचिरोली, अहेरी व ब्रह्मपुरी या ३ बस स्थानकांच्या गडचिरोली विभागाच्या अध्यक्षपदी आमदार डॉक्टर देवरावजी होळी यांची सेवा शक्ती संघर्ष एस टी कर्मचारी संघाच्या पदाधिकारी व कार्यकर्त्यांनी एकमुखाने निवड केली
यावेळी विभागीय मार्गदर्शक म्हणून खासदार अशोकजी नेते , विभागीय कार्याध्यक्ष म्हणून प्रकाश गेडाम यांची तर विभागीय सचिव म्हणून प्राध्यापक शैलेंद्रजी पिसे, विभागीय कोषाध्यक्ष संजय पुनावार यांची निवड करण्यात आली
माननीय गोपीचंद पडळकर यांच्या संघर्षातून निर्माण झालेल्या या संघटनेच्या विभागीय अध्यक्षपदी आपली निवड केल्याबद्दल आमदार डॉक्टर देवरावजी होळी यांनी एसटी कर्मचारी संघाच्या पदाधिकारी व कार्यकर्त्याचे आभार मानले . एसटी कर्मचाऱ्यांवर आजपर्यंत नेहमीच अन्याय झालेला आहे .आपल्या अन्यायाच्या विरोधात आपण यापूर्वीही आवाज उठवलेला असून आपल्या मागण्यांसाठी आपण भक्कमपणे आपल्या पाठीशी उभे राहू असे प्रतिपादन आमदार डॉक्टर देवरावजी होळी यांनी याप्रसंगी केले.
यावेळी सेवा संघर्ष शक्ती एसटी कर्मचारी संघाचे रवींद्र पूज्जलवार ,मालाताई सहारे, संजय पुणावार, अरुण माडमवार, केशव शेळके, नारायण फड, किशोर सातपुते, तुषार नंदनवार दुर्योधन कुलसंगे, गणेश कोडापे, हरीश वैरागडे, महेश जंजाळकर ,सुधीर मसराम, बी.सी. पत्तीवार प्रामुख्याने उपस्थित होते
