आशाताई बच्छाव
संस्कार भारती समिती, चाळीसगाव आयोजित………………………
नववर्ष स्वागत समितीचाआदर्श सांस्कृतिक परंपरा असलेला.. भक्ती संगीत व सामूहिक गुढी उभारणीचा कार्यक्रम मोठया उत्साहात संपन्न
चाळीसगाव,(विजय पाटील ): संस्कार भारती समिती चाळीसगावच्या वतीने प्रतिवर्षाप्रमाणे ह्या वर्षी देखील मंगळवार दिनांक : ९ / ४ / २०२४ रोजी सकाळी ठिक :८ वाजता गुढीपाडवा व मराठी नववर्षानिमित्त भक्ती संगीत व सामुहिक गुढी उभारण्याचा कार्यक्रम प्रजापिता ब्रह्मकुमारी ईश्वरीय विद्यालय, लक्ष्मीनगर, चाळीसगाव येथे संपन्न झाला. यावेळी भक्ती संगीत कार्यक्रम अनेक मधुर गीतांनी सुगंधाळला . त्यात केशरी सुगंध पेरण्याचं काम शुभांगी संन्यासी, राजाभाऊ कुळकर्णी ,अर्चना चौधरी ,सुहासिनी पाठक ,पुष्कर घाटे व शंकर पाठक यांनी केले .सर्व प्रेक्षकांनी वेळेवर टाळ्याची साथ दिली .हार्मोनियमवर सांगित विभागप्रमुख शंकर पाठक होते तर तबल्याची साथ चैतन्य पाठक यानी दिली .झांजवर सुधीर उबाळे होते. या कार्यक्रमामुळे सर्व रसिक जन मंत्रमुग्ध झाले होते . यानंतर सामुहिक गुढी विधीवत मंत्रोपचाराने, गावातील प्रतिष्ठित नागरिक चित्रसेन पाटील, बाबासाहेब चंद्रात्रे, डॉक्टर मुकुंद करंबेळकर , बाळासाहेब नागरे, लालचंदजी बजाज, भूषण ब्राह्मण कार, शंतनू पटवे ,चंद्रशेखर उपासनी , रविंद्र राणा, प्रजापती ब्रह्मकुमारीच्या वंदना दीदी, सुनिता दीदी यांच्या उपस्थितीत वेद मंत्रोपचाराने करण्यात आला.कार्यक्रमाचे सूत्रसंचालन रवींद्र देशपांडे यांनी केले तर आभार समितीचे अध्यक्ष गितेश कोटस्थाने यांनी मानले . कार्यक्रम यशस्वीतेसाठी शालिग्राम निकम ,सचिव विवेक घाटे, . प्रकाश कुलकर्णी ,
दिलीप संन्यासी, आधार महाले ,कवी रमेश पोतदार ,रत्नप्रभा नेरकर, मनीषा देशपांडे, स्वरा कोटस्थाने यांनी विशेष परिश्रम घेतले .एकंदरीत कार्यक्रम छान सादर झाला.
