राजेंद्र पाटील राऊत
व-हाणेतील सट्टा अड्डयाला आशिर्वाद कुणाचा? पोलिसांचे अर्थपूर्ण दुर्लक्ष..!
(राजेंद्र पाटील राऊत युवा मराठा न्युज नेटवर्क)
मालेगांव-नाशिकच्या मालेगांव तालुक्यातील व-हाणे गावात राजरोस सुरु असलेल्या सट्टा अड्डयाला नेमका आशिर्वाद कुणाचा?असा प्रश्न आता उपस्थित होत आहे.
मालेगांवच्या पंचशीलनगर भागातून व-हाणे येथे येऊन हा सट्टा मटक्यांचा जुगार चालविणारे सट्टा माफीया नेमके कोणाच्या आशिर्वादाने या गावात असे बेकायदेशीर धंदे करीत आहेत.त्यामुळे गोरगरिबांच्या टाळूवरील लोणी खाण्याबरोबरच आयाबहिणींच्या संसाराची राखरांगोळी मात्र होत आहे.त्याशिवाय या सट्टा माफीयाच्या या अवैध धंद्यामुळे शेतकऱ्यांना शेतातील कामासाठी मजूर मिळणेही जिकीरीचे व अडचणीचे ठरत आहे.या अशा भयानक प्रकारची पोलिसांना गंधवार्ता असू नये म्हणजे सखेद आश्चर्य व्यक्त होत आहे.या सट्टा माफीयांशी पोलिसांचेच काही अर्थपूर्ण हितसंबंध तर नाहीत ना?असाही सवाल उपस्थित केला जात आहे.
“चोरी चोरी छुपके छुपके सट्टा माफीयांची खेळी;गोरगरीब पडतात बळी!”
व-हाणे येथील सट्टा अड्ड्याबाबत युवा मराठा आँनलाईन न्युजवर सडेतोड व परखडपणे वृत प्रसारीत करताच दिखावा दाखविण्यासाठी या गावातील सट्टा मटका अड्डा बंद झाल्याचे भासविण्यात आले.मात्र प्रत्यक्षात हा सट्टा अड्डा आजही प्रत्यक्षात चोरी चोरी छुपके छुपके बिनदिक्कतपणे सुरुच आहे.ज्या गावात दोन दोन महिने पिण्यासाठी पाणी उपलब्ध होत नाही त्या गावात मात्र सट्टा जुगाराच्या माध्यमातून माफीया चांगलाच हात धुवून घेत आहेत.याप्रश्नी पोलिस प्रशासनाने तात्काळ दखल घेत हा अवैध धंदा बंद करावा,अन्यथा राष्ट्रीय युवा मराठा पत्रकार महासंघाच्या वतीने आजच जिल्हा पोलिस प्रमुख डाँ.सचिन पाटील व विशेष पोलिस महानिरीक्षक बी.जी.शेखर यांना निवेदन देण्यात येऊन कारवाईची मागणी केली जाणार आहे.
