राजेंद्र पाटील राऊत
वनपाल व वनमजुरांच्या सेवा विषयक तक्रार निवारण सभा पार पडली. पालघर,(वैभव पाटील विभागीय संपादक युवा मराठा न्युज नेटवर्क)
म. रा. वनरक्षक व पदोन्नत वनपाल संघटना चे केंद्रीय अध्यक्ष अजय पाटील यांचा नेतृत्वाखाली संघटनेचे शिष्टमंडळासह राज्यातील वनमजूर, वनरक्षक व वनपाल यांचा सेवा विषयक तक्रार निवारण सभा व राज्याचे वनबल प्रमुख प्रधान मुख्य वनसंरक्षक वाय. एल. पि. राव यांचा दालनात पार पडली. वनरक्षक – वनपाल, वनमजूर यांचा सेवा विषयक समस्यांचे लेखी निवेदन वनबल प्रमुख यांना सादर करण्यात आले. प्रत्येक मुद्द्यावर सविस्तर चर्चा केल्यानंतर वनबल प्रमुख यांनी सदर अडचणी सोडविण्या करीता वन प्रशासनातर्फे अति शीघ्र कार्यवाही करण्यात येईल असे आश्वासन संघटनेचा शिष्टमंडळास दिले.
नियोजित तक्रार निवारण बैठकीत वनबल प्रमुख यांच्यासह प्रधान मुख्य वनसंरक्षक (वन्यजीव) सुनील लिमये, अप्पर प्रधान मुख्य वनसंरक्षक (प्रशासन व दुय्यम संवर्ग) श्रीनिवास राव, उप वनसंरक्षक (प्रशासन) कुमार स्वामी या वरीष्ठ अधिकाऱ्यांची प्रामुख्याने उपस्थित होती. सदर बैठकीत प्रामुख्याने वनरक्षकांना विहित कार्यपद्धती अवलंबुन लवकरात लवकर पदोन्नती मिळणे, आश्वासित प्रगती योजनेचा लाभ सर्व क्षेत्रीय कर्मचार्‍यांना मिळणे, अन्यायकारक वेतन श्रेणी दूर करणे, संप काळ हा कर्तव्य काळ मानून संप काळातील वेतन मिळण्याबाबत, सेवाज्येष्ठता यादी दरवर्षी अद्यावत करणे, बदली व पदस्थापना बाबत पारदर्शकता आणणे, विभागीय चौकशी प्रकरणांचा विहित कालावधीत निपटारा करणे, सेवा विषयक अडी-अडचणी सोडविण्यासाठी वृत्त स्तरावर नियमित बैठका आयोजित करणे, सेवा पुस्तकांची दुय्यम प्रत पुरविणे, संयुक्त वन व्यवस्थापन समितीच्या खात्यात योजना व योजनेत्तर कामाचा निधी वर्ग न करणे, कायम प्रवास भत्त्यात वाढ करणे, वन क्षेत्राची सीमा व हद्द कायम करणे, वनखात्याची पुनर्रचना करणे इत्यादी मुद्द्यावर साधक बाधक चर्चा करून यावर तोडगा काढण्यात आला व उर्वरित विषयांवर लवकरात लवकर निर्णय घेण्याची ग्वाही वनबल प्रमुख यांनी संघटनेचा शिष्टमंडळास दिली.
