*कौळाणेतील विकास कामांच्या नावाने तीनतेरा नऊबारा*
*झालेली कामेच होतायेत उध्वस्त*
मालेगांव,(कार्यालय प्रतिनिधी युवा मराठा न्युज नेटवर्क)-मालेगांव तालुक्यात असलेल्या कौळाणे (निं)गावात विकासकामाचे तीनतेरा नऊबारा वाजलेले आहेत,झालेले विकास कामेदेखील सफशेल फोल ठरलेली आहेत.त्यामुळे विकासाच्या नावाने फक्त ठणाणा गोपाळ आहे तर शासनाचा विकासाच्या नावाखाली खर्च घातलेला पैसा हा वायाच गेला आहे.
दलाली आणि टक्केवारीच्या स्पर्धत शौचालये पाईपलाईन,खंडेराव बर्ड नदीवरील फरशी पुल असे कित्येक कामे नित्कृष्ठ दर्जाची व बोगस झालेली आहेत,त्यामुळे कौळाणेतील विकासकामे हे फक्त कागदावरच बघावयास मिळत आहेत.तर नागरिकांनी अतिक्रमणाच्या नावाखाली शासनाने खर्च करुन बांधलेल्या शौचालये मुतारीची तोडफोड करुन शासनाच्या मालमतेचे नुकसान केलेले आहे तरीदेखील ग्रामपंचायत प्रशासनाला त्याचे गांभिर्य किंवा महत्त्व राहिलेले नाही.या गावाला ग्रामपंचायतच्या आशिर्वादाने चहुबाजूने अतिक्रमणाचा विळखा पडलेला आहे.त्याची वरिष्ठ पातळीवरुनच दखल घेण्यात यावी अशीच अपेक्षा कौळाणेवासियांची आहे.
(उद्या वाचा-कौळाणेत पिण्याचा पाणीप्रश्न पेटणार,आणि हे पाप कुणाच्या माथी मारणार?)
