राजेंद्र पाटील राऊत
कोविडचे डोस न घेतलेला रुग्ण ऑक्सीजनवर ; पात्र व्यक्तींनी लस घेण्याचे आवाहन
मंगरुळपीर,(रितेश गाडेकर प्रतिनिधी युवा मराठा न्युज नेटवर्क)- वाशिम येथील जिल्हा शासकीय रुग्णालयातील जिल्हा कोविड रूग्णालयात एकूण तीन रुग्ण भरती आहे. एका रुग्णाने कोविड लसीचे दोन्ही डोस घेतलेली आहे. दुसऱ्या रुग्णाने मात्र एक डोस घेतला आहे. तिसऱ्या रुग्णाने तर कोविड लसीची एकही डोस न घेतल्यामुळे त्याला भरती करते वेळी त्याचे ऑक्सिजनचे प्रमाण ६० टक्के होते. हा रुग्ण अत्यवस्थ परिस्थितीत भरती झाला होता. या रुग्णाला सतत ऑक्सिजनची गरज पडत आहे. कोवीड लस न घेतल्यामुळे रुग्णाची झालेली ही अवस्था बघता १५ वर्षावरील सर्व पात्र व्यक्तीने लसीकरण करावे.
सध्या वाढत्या कोरोना व ओमायक्रोन विषाणूचा संसर्ग लक्षात घेता जिल्ह्यात पात्र व्यक्तीचे १०० टक्के लसीकरण करण्यावर भर देण्यात आला आहे.कोवीड लसीकरणामुळे कोवीड संसर्ग झाला तरी कोरोना आजार होण्याचे प्रमाण कमी आहे.
जागतिक महामारी ठरलेला कोरोना संसर्गामुळे पहिल्या आणि दुसऱ्या लाटेत अनेकांना आपल्या जवळच्या व्यक्तीना गमावण्याची वेळ आली. वैद्यकीय क्षेत्रातील संशोधकांनी दिवस-रात्र मेहनत करून कोरोनाचा संसर्ग रोखणारी लस विकसित केली.
देशात १६ जानेवारी २०२१ पासून कोवीड लसीकरणाला सुरुवात झाली पात्र व्यक्तींचे लसीकरण करण्यासाठी मोठ्या प्रमाणात जनजागृती येत आहे. त्यामुळे मोठ्या संख्येने पात्र व्यक्तीचे लसीकरण झाले आहे. यामध्ये विशिष्ट कालावधीत घेतलेल्या दोन लसीचा समावेश आहे. मात्र काही व्यक्तींनी लसीबाबत गैरसमज करून घेतले. तर काहींनी अफवांमुळे लस घेतली नाही.
जिल्हा सामान्य रुग्णालयातील जिल्हा कोविड रुग्णालय येथे कोरोना वर उपचार घेत असलेल्या ज्या एका रुग्णाने कोविड लसीची एकही लस घेतलेली नाही. त्यामुळे तो रुग्ण आज ऑक्सीजन वर आहे. ही वेळ भविष्यात कोणावर येऊ नये. यासाठी पात्र व्यक्तीने कोविड लसीचा दोन्ही डोस निर्धारित वेळेत घ्याव्यात. असे आवाहन जिल्हा शल्यचिकित्सक डॉ. धर्मपाल केळकर यांनी केले आहे.
