राजेंद्र पाटील राऊत
वरवट बकाल येथील ग्रामीण रुग्णालय पुन्हा सलाईनवर
ब्यूरो चिफ स्वप्निल देशमुख यूवा मराठा न्यूज
एका तासापासून एकही डॉक्टर व कर्मचारी हजर नसल्याने रुग्णाला त्रास
जिल्हा शल्य चिकित्सक यांचा फोन नॉट रीचेबल
डॉ गोमासे यांना रुग्णाने फोन केल्यावर डॉ 45 मिनिटे आलेच नाही* *शेवटी रुग्णाला केले शेगाव रेफर
मागील महिन्यात वरवट बकाल येथील ग्रामीण रुग्णालयात डॉक्टर अभावी गेटसमोर प्रसूती करावी लागली व 5 दिवसांनंतर संग्रामपूर येथील प्राथमिक आरोग्य केंद्रात एकही डॉक्टर उपलब्ध नसल्याने बाजूच्या घरात प्रसूती करावी लागली. हे प्रकरण पत्रकारांनी उचलून धरले व आपल्या संपूर्ण वृत्तपत्रात बातम्या प्रकाशित केल्या. लगेच आरोग्य विभागाच्या राज्याचे डायरेक्टर डॉ साधना तायडे, DD डॉ राजकुमार चव्हाण, जिल्हा आरोग्य अधिकारी डॉ सांगळे आदी विविध अधिकाऱ्यांनी वरवट बकाल येथील ग्रामीण रुग्णालयाला भेट देऊन आढावा घेतला आणि अधिकारी व कर्मचारी यांची कानउघाडणी केली. परंतु या गंभीर विषयाला एक महिनाही उलटला नाही आणि डॉक्टरांची मनमानी सुरू झाली असून आज 6 डिसेंबर रोजी संध्याकाळी 7 वाजेपासून तर 7:45 पर्यंत रुग्णालयात एकही डॉक्टर व कर्मचारी हजर नसल्याने वरवट बकाल येथील एका रुग्णाला शेवटी शेगाव येथे जावे लागले. या रुग्णालयात डॉ गोमासे हे कर्तव्यावर होते. या डॉ साहेबांना रुग्णाच्या नातेवाईकांनी फोन केला असता डॉ साहेब पाऊण तास रुग्णालयात आलेच नाही. अशा कामचोर डॉ गोमासे वर वरीष्ठ अधिकारी यांनी जातीने लक्ष देऊन कारवाई करावी अशी मागणी रुग्णाच्या नातेवाईकाकडून होत आहे.
