राजेंद्र पाटील राऊत
🛑 कात्रज नवा बोगदा ते नवले पूल आणि परिसरातील अपघात रोखण्यासाठी तज्ज्ञांचा अहवाल आठवडाभरात… ! 🛑
✍️ पुणे 🙁 विलास पवार पुणे ब्युरो चीफ युवा मराठा न्युज )
पुणे :-⭕ कात्रज – नवले पूल परिसरातील अपघात रोखण्यासाठीच्या नजीकच्या काळातील आणि दीर्घकालीन उपाययोजनांसंदर्भात आज महापालिका प्रशासन, पोलीस अधिकारी, महामार्ग प्राधिकरण अधिकारी यांच्यासमवेत महत्त्वाची बैठक घेतली.
यात तीव्र उतार कमी करणे, सीसीटीव्ही बसवणे, लेन कटिंगवर कारवाई करणे, जोड रस्ते कमी करणे, सर्व्हिस रोडमध्ये सलगता आणणे, आवश्यकता भासल्यास पुलाची/ग्रेड सेपरेटर यासह विविध बाबींवर चर्चा झाली. शिवाय याबाबतीत दीर्घकालीन उपाययोजना करण्यासाठी तज्ञांकडून सर्वंकष आढावा घेऊन येत्या आठवड्याभरात सविस्तर अहवाल तयार करण्याचा निर्णय घेतला असून सदर अहवाल केंद्रीय दळण-वळण मंत्री मा.श्री. नितीनजी गडकरी यांची भेट घेऊन देण्यात येणार आहे.
उपमहापौर सुनीताताई वाडेकर, पोलीस आयुक्त डॉ. अमिताभ गुप्ता, महापालिका आयुक्त विक्रम कुमार, सभागृह नेते श्री. गणेश बिडकर, विरोधी पक्ष नेत्या दीपालीताई धुमाळ, महामार्ग प्राधिकरणाचे प्रकल्प संचालक श्री. सुहास चिटणीस, महापालिका अतिरिक्त आयुक्त डॉ. कुणाल खेमणार, शहर अभियंता प्रशांत वाघमारे, पथ विभाग प्रमुख श्रीनिवास बोनाला, पोलीस वाहतूक उपायुक्त डॉ. राहुल श्रीरामे यांच्यासह विविध विभागातील अधिकारी उपस्थित होते.⭕
