राजेंद्र पाटील राऊत
कौळाणेच्या नवविवाहित दाम्प्त्यांची
पुणेत आत्महत्या सर्वत्र हळहळ
(राजेंद्र पाटील राऊत /विलास पवार युवा मराठा न्युज नेटवर्क)
पुणे/कौळाणे (नि.) – अवघ्या चार महिन्यापुर्वीच विवाह झालेल्या नवदाम्प्त्यांने पुणे शहरात आत्महत्या केल्याने सर्वत्र हळहळ व्यक्त केली जात आहे.
मुळचे नाशिक जिल्ह्यातील मालेगांवजवळच्या कौळाणे (नि.) येथील रहिवाशी असलेल्या उखा विश्राम बच्छाव यांचा मुलगा विपूल वय २७ व सुन सौ.ऋतूंबरा वय २३ हे पुणे शहरातील घनसावंगी पोलिस स्टेशनच्या बाजूला वास्तव्यास होते.तर विपूल हा एका कंपनीत इंजीनियर पदावर कार्यरत होता अशी माहिती मिळत असून,काल दिनांक २१ एप्रिल २०२१ बुधवारी सायंकाळी साडेचार ते पावणेपाच वाजेच्या दरम्यान विपूल व सौ.ऋतुंबरा या उभयता पती पत्नीने आपल्याच घरात एकत्रितपणे आत्महत्या केलेली असल्याचे स्थानिकाच्या निर्दशनास आल्यानंतर या घटनेची माहिती विपूल व ऋतृंबरा यांच्या मुळ गावी कौळाणे येथे कळविण्यात आली.दरम्यान आमचे पुणे जिल्हा ब्युरो चीफ विलास पवार यांनी कळविल्यानुसार सदरच्या आत्महत्येमागील कारण अद्याप स्पष्ट झालेले नाही.तर कौळाणे गावावर या घटनेमुळे शोककळा पसरलेली असून सर्वत्र हळहळ व्यक्त केली जात आहे.
