आशाताई बच्छाव
सोमेश रेसिडेन्सी भागात दिवसा झालेल्या दारोड्याच्या गुन्ह्यातील मुख्य आरोपी जेरबंद
जिल्हा प्रतिनिधी जालना-वसंतराव देशमुख
दिनांक -18/04/2024
याविषयी सविस्तर माहिती अशी की, दिनांक 16 /4/ 2024 रोजी जालना जिल्ह्यातील मालाविरुद्धचे गुन्हे करणाऱ्या आरोपीची माहिती घेऊन त्यांचा शोध घेणेबाबत मा.पोलीस अधीक्षक श्री अजय कुमार बंसल व मा. अप्पर पोलीस अधीक्षक श्री आयुष नोपाणी यांनी स्थानिक गुन्हे शाखेचे पोलीस निरीक्षक श्री रामेश्वर खनाळ यांना सूचना दिल्या होत्या.
त्याअनुषंगाने त्यांनी स्थानिक गुन्हे शाखेचे अमलदार जालना जिल्हा हद्दीतील मालाविरुद्धचे दाखल गुन्ह्यातील आरोपीची माहिती घेऊन शोध घेत असताना खबऱ्यामार्फत खात्रीशीर माहिती मिळाली की, पोलीस ठाणे सदर बाजार हद्दीतील सोमेश रेसिडेन्सी भागात झालेल्या दिवसा दरोड्याच्या गुन्ह्यातील फरार आरोपी शेख आरिफ शेख मुक्तार राहणार जमुना नगर जुना जालना हा त्याचे राहते घरी जमुना नगर जुना जालना येथे आहे. त्या बातमीच्या आधारे त्यास शिताफीने ताब्यात घेऊन 24900 /रुपये किमतीच्या मुद्देमालासह पोलिस ठाणे सदर बाजार येथे रिपोर्टसह हजर करण्यात आले आहे.
सदरची कार्यवाही मा. पोलीस अधीक्षक श्री अजय कुमार बंसल व मा. अप्पर पोलीस अधीक्षक श्री आयुष नोपाणी यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री रामेश्वर खनाळ, सपोनी श्री योगेश उबाळे, सॅम्युअल कांबळे, कृष्णा तंगे, सचिन चौधरी, रमेश राठोड, सुधीर वाघमारे, सचिन राऊत, यांनी केलेली आहे.