आशाताई बच्छाव
पथनाट्याद्वारे मतदानासंदर्भात चाळीसगाव येथे जनजागृती आणि प्रबोधन….
“मतदार राजा जागा हो ! ”
चाळीसगाव, प्रतिनिधी विजय पाटील: तहसील कचेरी निवडणूक शाखा चाळीसगाव व स्विप कार्यक्रम अंतर्गत पंचायत समिती (शिक्षण विभाग )चाळीसगाव तर्फे पथनाट्याचे आयोजन करण्यात आले. मतदानाचा टक्का वाढविणे व जनजागृती होण्यासाठी या कार्यक्रमाचा उद्देश असून, ज्या गावात २०१९ च्या लोकसभा निवडणुकीत ५० टक्के पेक्षा कमी मतदान झाले होते, अशा मतदान केंद्राच्या अंतर्गत मोडणाऱ्या गावांमध्ये पथनाट्याचे सादरीकरण केले जात आहे.दिनांक : ६ एप्रिल २०२४ रोजी तहसील कचेरी स्वातंत्र्यवीर सावरकर चौक , एस.टी स्टँड आणि छत्रपती शिवाजी महाराज पुतळ्याजवळ पथनाट्याचे आयोजन करण्यात आले. यावेळी शालिग्राम निकम लिखित ”मतदार राजा जागा हो ! ” या पथनाट्याचं सादरीकरण करण्यात आले .सहभागी कलाकार म्हणून रवींद्र कुमावत , सतीलाल सोनवणे ,कवी रमेश पोतदार, पांचाळ सर व शालिग्राम निकम यांनी आपल्या लज्जतदार सादरीकरणातून नवमतदार नोंदणी करणे ,वेळेत मतदान करणे, अपंग व वयोवृद्ध मतदारांना केंद्रापर्यंत ने आण करण्याची सुविधा देणे वा पोस्टल बॅलेट मतदान सुविधा उपलब्ध करून देणे,मतदान यंत्राबद्दल गैरसमज दूर करणे, कोणत्याही प्रलोभनाला बळी न पडणे, नोटा म्हणजे पैसे देणे घेणे नव्हे तर संबंधित बॅलेट पेपर वरील मतदारांना नाकारून कोणालाच मतदान न करणे म्हणजेच नोटा बटन दाबणे होय. यावेळी पटनाट्यातील कलाकारांनी मतदान करण्याबाबत जनतेला आवाहन करण्यात आले .तहसील कचेरी समोर पथनाट्य पाहण्यासाठी प्रांताधिकारी प्रमोद हिले साहेब, तहसीलदार प्रशांत पाटील , गटविकास अधिकारी नंदकुमार वाळेकर , प्रभारी गटशिक्षणाधिकारी विलास भोई , शहर पोलीस निरीक्षक संदिप पाटील ,निवडणूक नायब तहसीलदार संदेश निकुंभ, शिक्षण विस्तार अधिकारी विनायक ठाकूर व जितेंद्र महाजन यांनी उपस्थित राहून मोलाचे मार्गदर्शन केले. याचबरोबर कार्यक्रम यशस्वीतेसाठी साधन व्यक्ती प्रशांत पाटील , रविंद्र पाटील , निवडणूक कर्मचारी अरूण जाधव , तुषांत व इतर कर्मचारी उपस्थित होते . खऱ्या अर्थाने कार्यक्रमाचा उद्देश सफल झाला .