आशाताई बच्छाव
डॉ. बाबासाहेब आंबेडकर यांच्या जयंती निमित्त ‘समता चषक बुद्धिबळ स्पर्धेचे आयोजन
मुंबई : ( प्रतिनिधी विजय पवार)
भारतरत्न डॉ. बाबासाहेब आंबेडकर विचार महोत्सव समिती,भिमोसत्व समन्वय समिती वरळी आणि एन. एस. चेस अकॅडमी यांच्या संयुक्त विद्यमाने डॉ. बाबासाहेब आंबेडकर यांच्या १३३ व्या जयंतीनिमित्त ‘समता चषक २०२४’ बुद्धिबळ स्पर्धेचे आयोजन जांबोरी मैदान,वरळी मुंबई येथे करण्यात आले. या स्पर्धेत वरळी व मुंबईमधील बहुतांश विभागातून या स्पर्धेसाठी स्पर्धक उपस्थित होते त्यामुळे स्पर्धेमध्ये रंजकता निर्माण झाली. स्पर्धकांना प्रशस्तीपत्रके व बक्षिसांचे वाटप करण्यात आले. एन. एस. चेस अकॅडमीचे सर्वेसर्वा सुधाकर रोकडे सर यांनी आपले मनोगत व्यक्त करताना त्यांना बुद्धिबळ खेळाचे बहुमोल मार्गदर्शन केले वरळी विभागातील व मुंबईतील स्पर्धकांचे तसेच आयोजकांचे व कार्यकर्त्यांचे आभार मानले.