राजेंद्र पाटील राऊत
भाजपा स्थापना दिनानिमित्त पदाधिकारी व कार्यकर्त्यांनी आपल्या घरावर भाजपाचा झेंडा लावावा
आमदार डॉक्टर देवरावजी होळी यांचे आवाहन
६ एप्रिल भारतीय जनता पार्टीचा स्थापना दिवस म्हणून सर्वत्र साजरा होणार
गडचिरोली ,( सुरज गुंडमवार ब्युरो चीफ युवा मराठा न्युज नेटवर्क)
६ एप्रिल हा दिवस भारतीय जनता पार्टीचा स्थापना दिवस असून या स्थापना दिनानिमित्त भारतीय जनता पार्टीच्या कार्यकर्त्यानीं व पदाधिकाऱ्यांनी आपल्या घरावर भारतीय जनता पार्टीचा ध्वज लावावा असे आवाहन गडचिरोली विधानसभा क्षेत्राचे आमदार डॉक्टर देवरावजी होळी यांनी भाजपा पदाधिकारी व कार्यकर्त्यांना केले आहे.
भारतीय जनता पार्टीच्या कार्यकर्त्यांच्या श्रमाच्या आधारावरच आज भारतीय जनता पार्टीला सोनेरी दिवस आले असून भाजपाची देशात व देशातील अनेक राज्यात सत्ता आहेत. आज केवळ भारतातच नाही तर जगात सर्वाधिक मोठा राजकीय पक्ष म्हणून भारतीय जनता पार्टीची ओळख निर्माण झाली आहे. या पक्षाचे पदाधिकारी व कार्यकर्ते म्हणुन आपणाला अभिमान आहे. अशा आपल्या पार्टीचा ६ एप्रिल हा स्थापना दिवस असून आपण सर्व कार्यकर्त्यांनी आपापल्या घरावर भारतीय जनता पार्टीचा झेंडा लावावा असे आवाहन गडचिरोली विधानसभा क्षेत्राचे आमदार डॉ देवरावजी होळी यांनी केले आहे.
