आशाताई बच्छाव
मराठा क्रांती मोर्चा प्रणित सार्वजनिक शिवजयंती
सोहळा 2024 ची कार्यकारिणी जाहीर
अध्यक्षपदी अशोक पडुळ यांची सर्वानुमते निवड
जालना (प्रतिनिधी दिलीप बोंडे ) ः मराठा क्रांती मोर्चा प्रणित सार्वजनिक शिवजयंती सोहळा 2024 ची कार्यकारिणी आज दि. 3 रोजी मराठा सेवा संघ कार्यालय भाग्यनगर येथे घेण्यात आलेल्या बैठकीमध्ये घोषीत करण्यात आली असून सर्वानुमते अशोक पडुळ यांची अध्यक्षपदी निवड करण्यात आली. या बैठकीच्या अध्यक्षस्थानी मराठा क्रांती मोर्चाचे समन्वयक विष्णूभाऊ पाचफुले तर मार्गदर्शक डॉ. संजय लाखे पाटील, राजेश राऊत, अरविंद देशमुख, संतोष गाजरे, शरद देशमुख, राजेंद्र जाधव आदींची प्रमुख उपस्थिती होती.
शिवजयंतीच्या माध्यमातून सांस्कृतिक आणि सामाजिक उपक्रम राबवून छत्रपती शिवाजी महाराजांचे विचार तळागाळापर्यंत पोहोचतील अशा प्रकारे कार्यक्रमांची रूपरेषा ठरविण्यात आली आहे. तसेच उर्वरित कार्यकारणीमध्ये कार्याध्यक्षपदी किरण शिरसाठ, साई पाचफुले, सुवर्णा राऊत, उपाध्यक्ष संतोष कर्‍हाळे पाटील, रोहीत देशमुख, दीपाली दाभाडे, प्रताप देठे. तर सचिवपदी शुभम टेकाळे, असिफ पठाण, सागर पाटील, कोषाध्यक्ष करण जाधव, रमेश गजर, संघटक आकाश जगताप, ज्योती मुजमुले, गणेश गायकवाड, सहसचिव बाळासाहेब देशमुख, नरसिंग पवार तसेच प्रसिध्दी प्रमुख म्हणून पत्रकार संतोष भुतेकर यांची निवड करण्यात आली.
यावेळी कृष्णा पडुळ, राजेंद्र जाधव, दिनेश फलके, दत्ता पाटील शिंदे, महेश निकम, अंकुश पाचफुले, सुभाष कोळकर, राजेंद्र गोरे, शरद देशमुख, जयंत भोसले, ज्ञानेश्वर ताकट, अमर पवार, सुनिता येवले, दिलीप शिंदे, महादेव टाले, आकांक्षा येवले आदींसह शिवप्रेमींची उपस्थिती होती.
