आशाताई बच्छाव
चाळीसगाव येथे बनावट कागदपत्रे बनवून प्लॉट ची परस्पर विक्री – 6 जणांवर गुन्हा
चाळीसगाव प्रतिनिधी विजय पाटील- महिलेने बनावट कागदपत्रे सादर करून मध्य प्रदेशच्या महिलेचा प्लॉट परस्पर विक्री केल्या प्रकरणी 6 जणांवर चाळीसगाव शहर पोलीस स्टेशनला गुन्हा दाखल करण्यात आला आहे.
याबाबत माहिती अशी की सौ कल्पना चंद्रमोहन तिवारी 58 सुभाष वार्ड बुंदेलखंड मोहल्ला बरेली जि रायसेन मध्यप्रदेश यांचा चाळीसगाव नगर पालीका हद्दी बाहेरील करगाव रोडलगत सर्वे नं.418/2+4ब/1 अ 2+1अ + 1 ब यातील प्लॉट नं. 40 ज्याचे एकुण क्षेत्रफळ 237.50 चौ.मी. हा बिगरशेती प्लॉट आहे.
कल्पना तिवारी यांचे चाळीसगाव माहेर असून त्यांचे चुलत भाऊ हनुमानवाडी चाळीसगाव येथे राहतात त्यांचे चाळीसगाव येथे येणे जाणे असते. 1 महिन्यापूर्वी त्यांच्या सांगण्यावरून त्यांचा चुलत भाऊ प्लॉटचा उतारा काढण्यासाठी गेल्यावर उताऱ्यावर दुसरी नावे दिसल्याने त्यांनी चाळीसगाव येथे येवून चौकशी केली असता
त्यांच्या नावे बनावट कागदपत्रे करून
दि. 22/01/2014 रोजी 5-27 ते 5-36 वाजेदरम्यान सह दुय्यम निबंधक कार्यालय चाळीसगाव याठिकाणी लिहुन घेणार गणेश भाऊसाहेब देशमुख रा. देशमुख गल्ली चाळीसगाव याने लिहुन देणार बनावट महिला नामे कल्पना चंद्रमोहन तिवारी रा. हिरापुर ता. चाळीसगाव हिस बनावट मतदान कार्डाचा वापर करुन
दुय्यम निबंधक कार्यालय चाळीसगाव याठिकाणी हजर करुन साक्षीदार प्रशांत विजयकुमार भोसले (पत्ता माहित नाही), समाधान विक्रम ठुबे (पत्ता माहित नाही), ओळख देणार वाल्मिक ओंकार मराठे रा. चाळीसगाव व नारायण शामराव चव्हाण रा. चाळीसगाव यांचे मदतीने आपसात संगनमत करुन कट रचुन
2.33,000/- रुपये मध्ये बनावट खरेदी खत दस्त क्रमांक 541/2014 असा नोंदणी करुन प्लॉट स्वतःचे नावे करुन त्यानंतर इतर लोकांना विक्री करुन त्यांची फसवणुक केल्याचे चाळीसगाव शहर पोलीस स्टेशन मध्ये दिलेल्या फिर्यादित म्हटले आहे याप्रकरणी वरील 6 जणांवर
कलम 420, 465,
467, 468, 471, 34, 120-B प्रमाणे
गुन्हा दाखल करण्यात आला आहे.