आशाताई बच्छाव
आनंदधाम गिरोला येथे डॉ.अक्षय कहालकर यांचा सत्कार…..
कहालकर दुःखनिवारक दवाखाना भंडारा व सत्य साई संस्थान मार्फत मोफत वैद्यकीय आरोग्य शिबिर…..
जवळपास 150 रूग्णांनी घेतला लाभ….
संजीव भांबोरे
भंडारा( जिल्हा प्रतिनिधी) साकोली जवळच्या गिरोला(किटाळी) येथे सिद्ध साक्षी आनंदधाम तर्फे दरवर्षी प्रमाणे ह्यावर्षी सुद्धा वार्षिक कार्यक्रम व गादीपदग्रहण सोहळा तसेच जिल्हास्तरीय सत्कार कार्यक्रम आयोजित करण्यात आला होता. त्यात “कहालकर दुःखनिवारक दवाखाना भंडारा” चे डॉ.अक्षय कहालकर यांचा शाल, श्रीफळ व स्मृतिचिन्ह देऊन सत्कार करण्यात आले व मोफत वैद्यकीय आरोग्य शिबिर आयोजित करण्यात आला.
कहालकर दुःखनिवारक दवाखाना मार्फत रूग्णसेवा व समाजसेवा केली जाते. विविध सामाजिक कार्यात सदैव अग्रेसर म्हणून ओळख आहे. बऱ्याच ठिकाणी मोफत वैद्यकीय आरोग्य शिबिर आयोजित करण्यात येतात. डॉ.अक्षय कहालकर यांच्या “सामाजिक बांधिलकी” व रूग्णसेवेची दखल घेवून सत्कार करण्यात आला.
कहालकर दुःखनिवारक दवाखाना भंडारा व सत्य साई संस्थान मार्फत मोफत वैद्यकीय आरोग्य शिबिर आयोजित करण्यात आला होता, त्यात जवळपास 150 रूग्णांची मोफत तपासणी करून औषधोपचार करण्यात आला. त्यात शरीराचे दुखणे, मणक्याचे समस्या ह्यावर भर देण्यात आला.
कार्यक्रमाचे आयोजक डमदेवजी कहालकर सर व संपूर्ण कहालकर परिवार तसेच माजी आमदार डॉ. कापगते, जेवनाळा, किटाळी ,दिघोरी/मोठी, नरव्हा येथील भजनी मंडळ व बाहेरील जिल्ह्यातील भाविक मोठ्या संख्येने उपस्थित होते.