आशाताई बच्छाव
चला पणती पेटवूया
कही दिप जले कही दिल!
अंगार कुणाचा चला पेटवू पणती
जरी जळून गेली या देहाची पणती || धृ ||
कुणी व्हा बाजूला तरी पेटतील सारे
जात विषमता नष्ट करूया वारे
कधी अंधाराला आग लागूनी जाळी
तरी नकाच लावू अंधश्रद्धेला भाळी
गाडूनी टाकू पुर्नजन्माची साडेसाती
अंगार कुणाचा चला पेटवू पणती || १ ||
झिजतील झोपडीत गरिबीचेही रंग
मढ़लोणी खाण्या खाटकसाई दंग
गरिबाला जगी या नाही कुणी हो वाली
सारूनी देऊया बाजू रूढ़ी रीती नी चाली
सुंदर होई जगण्याची ही रणनीती
अंगार कुणाचा चला पेटवू पणती || २ ||
मदमस्त मवाली जरी बाजूला चारी
उधळूनी लावूया खांदे भ्रष्टाचारी
या दलालपंथीला देऊन टाकू फाशी
उठतील पुन्हा जर हेही सत्यानाशी
घाव देऊनी पाजळू तलवारीच्या पाती
अंगार कुणाचा चला पेटवू पणती || ३ ||
या नराधमांचा ऊडवूनी टाकू माथा
या चुगलखोरांचा करूनी टाकू चोथा
मग जशा उपाशी राहतील यांच्या पिढी
ठेचूनी काढू सापांच्याही स्मशानातल्या शिडी
कशा निपजतील पुढच्या यांच्या नाती
अंगार कुणाचा चला पेटवू पणती || ४ ||
कवी,गीतकार, “पस्तावा”कार, अँड़-सोमदत्त मुंजवाड़कर
सटाणा ता.बागलाण,जि. नाशिक
मो.८०८७७३५३६९ संग्राहक – युवा मराठा न्यूज महाराष्ट्र