Home सामाजिक मोबाईल काही सुटना नही! (मर्मभेदी वैचारीक लेख)

मोबाईल काही सुटना नही! (मर्मभेदी वैचारीक लेख)

83
0

आशाताई बच्छाव

1000343051.jpg

मोबाईल काही सुटना नही!
(मर्मभेदी वैचारीक लेख)
सध्या उन्हाची काहिली जीवाची अगदी लाही लाही करीत आहे.दिवसभर घरात थांबल्यानंतर, सायंकाळी सहज फेरफटका मारावा म्हणून चौकात एक सावलीच्या ठिकाणी जाऊन बसलो व मोबाईल हाताळत बसलो.तेवढयात एक वृध्दापकाळाकडे वाटचाल करीत असलेली म्हातारी आजी माझ्या जवळ येऊन सहजपणे बोलून गेली,”मोबाईल काही सुटना नही अजून”, त्या म्हातारीचे ते वाक्य व शब्द मला भुतकाळात घेऊन गेले.किती आनंदी व समाधानी होते ते दिवस! जेव्हा कधी फक्त चिठ्ठ्यावर व पंधरा पैश्याच्या पोस्टकार्डवर एकमेकांची ख्यालीखुशाली विचारली जायची.न कोणता राग होता न कोणता रुसवा फुगवा होता.वर्षभरातून कधी तरी भेटणारे सुध्दा आनंदी व समाधानी होते.आज मोबाईल नावाच्या चार अक्षरी खेळण्याने जग जरी जवळ आले असले तरी या इंटरनेट युगात मोबाईलने मात्र कित्येकाचे संसार अक्षरशः उध्वस्त केलेत.मोबाईल चांगला तसा संसाराचा सत्यानाश करणारा असं आता नाईलाजास्तव म्हणावे लागत आहे.आमच्या लहानपणी खेळायला कुठल्याच गोष्टीची कमतरता नव्हती.कबड्डी खेळणे, आट्यापाट्या खेळणे,गोटया गोटया खेळणे,झाडावर चढुन टिपाटिपी खेळणे हे सारेच खेळ मोबाईलने खाऊन टाकले आहेत.आजकाल घरात एखादे लहान मुलं जरी रडायला लागले तरी आई बाप मोठ्या कौतुकाने मुलांच्या हाती मोबाईल देतात म्हणजे बालपणाचा खरा आनंद सुध्दा या मोबाईलने लेकरापासून हिरावून घेतला.मोबाईल मुळे अक्षरशः वेडेपिसे झालेले लोकही मी जवळून पाहिले आहेत.तर या मोबाईलने लहान मोठयांसह सगळयांनाच एका मोठ्या व्यसनात अडकवून टाकल्यामुळे भावी पिढी नेमके आपले जीवन कसे सुधारणार हा जरी यक्ष प्रश्न असला, तरी आज घराघरात आपल्या आईबापांच्या दवाखान्याला अथवा गोळ्या औषधांना पैसे नसले तरी चालतील पण मोबाईल मध्ये बँलन्स मात्र पाहिजे अशा अतातायी पध्दतीमुळे आज घराघरात दुरावा निर्माण होत आहे.एकमेकांशी प्रेमाने व मायेने बोलायला देखील कुणाला वेळ राहिलेला नाही.दारू,गांजा भांग पेक्षाही भयंकर व्यसन इंटरनेटच्या जमान्यात मोबाईलने लावले आहे.त्यामुळे आज सारी दुनियाच आँनलाईन झाली आहे.पण शेवटी मोबाईल कसा वापरायचा? हा ज्याचा त्याचा प्रश्न असला, तरी एक मात्र खरे की, मोबाईल चांगला तसाच संसाराचा सत्यानाश करणारा असे म्हटले तर अतिशयोक्तीचे ठरु नये.मला त्या म्हातारी आजीने दिलेला मोलाचा उपदेश जीवनाचे खरे मोल कश्यात आहे हे खुप काही शिकवून गेले.
राजेंद्र पाटील राऊत
मुख्य संपादक
युवा मराठा न्यूज चॅनल

Previous articleखाते प्रमुखांनो, रजेवर जाता? मग पूर्व परवानगी द्या; अमरावती येथील सीइओ नी काढले लेखी आदेश.
Next articleसप्तश्रृंगी गडाच्या शीतकडयावरुन उडी घेत चांदवडच्या प्रेमीयुगुलांची आत्महत्या
Yuva Maratha
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here