आशाताई बच्छाव
साई इंटरनॅशनल स्कूल अँड ज्युनिअर कॉलेज लखमापूर येथे दिवाळी सण उत्साहात साजरा..
लखमापूर,(निंबा जाधव)-अहिरेश्वर कॅम्पस लखमापूर येथील साई इंटरनॅशनल स्कूल अँड ज्युनिअर कॉलेज शैक्षणिक संकुलात दिवाळी सुटीच्या पार्श्वभूमीवर उत्साहात दिवाळी सण साजरा करण्यात आला..
या प्रसंगी संस्थेचे संस्थापक चेअरमन ॲड. शशिकांत अहिरे , प्राचार्या प्रा. रोशनी अहिरे उप प्राचार्या सोनल हरपळे, सुनील अहिरे आदींसह प्रमुख मान्यवर उपस्थित होते..
लक्ष्मीपूजन करून कार्यक्रमाची सुरुवात करण्यात आली.. विविध प्रकारची पारंपरिक वेशभूषा करून आलेले विद्यार्थी कार्यक्रमाचे मुख्य आकर्षण होते.. इयत्ता ५ वी ते १० वी च्या विद्यार्थ्यांसाठी आयोजित वर्ग सजावटीची स्पर्धा विद्यार्थ्यांच्या कल्पकतेने नटलेली होती..
सामाजिक सलोखा , पर्यावरण पूरक दिवाळी , महिला सबलीकरण अशा विविध सामाजिक विषयांच्या रांगोळी सदर करत विद्यार्थ्यांनी अनोखा संदेश दिला..
सर्व सजावटीचे निरक्षण करत मान्यवरांनी विद्यार्थ्यांचे कौतुक केले..
शालेय मैदानावर विद्यार्थ्यांनी पर्यावरण पूरक फटाके फोडत आपला आनंद व्यक्त केला..
याप्रसंगी आपले मनोगत व्यक्त करताना ॲड. आहिरे यांनी विद्यार्थ्यांना प्रदूषणमुक्त दिवाळी सण साजरा करण्याचा सल्ला दिला तसेच दिवाळीची सुटी साजरी करताना अभ्यासावर देखील लक्ष देण्याची सूचना केली.
शाळे द्वारे प्रकाशित करण्यात आलेल्या दिवाळी अभ्यास पुस्तिकेचे प्रकाशन प्रमुख मान्यवरांच्या हस्ते करण्यात आले..
विद्यार्थ्यांनी स्वहस्ते तयार केलेल्या दिव्यांचे संच प्रमुख मान्यवरांना भेट म्हणून देण्यात आले..
विद्यार्थ्यांनी देखील सुरक्षित व पर्यावरण पूरक दिवाळी सण साजरा करण्याचा संकल्प केला..
कार्यक्रमाचे सूत्रसंचालन प्रा. तुषार निकम यांनी केले..
कार्यक्रमाच्या यशस्वीतेसाठी सांस्कृतिक विभाग सर्व शिक्षक व शिक्षकेत्तर कर्मचारी यांनी परिश्रम घेतले..