आशाताई बच्छाव
चाळीसगाव महाविद्यालयात “स्वच्छता ही सेवा” कार्यक्रम संपन्न
चाळीसगाव प्रतिनिधी विजय पाटील – येथील बी.पी. आर्ट्स, एस.एम.ए. सायन्स अँड के. के.सी. कॉमर्स कॉलेज आणि के. आर. कोतकर ज्युनिअर कॉलेज, चाळीसगाव येथे राष्ट्रपिता महात्मा गांधी यांच्या जयंतीचे औचित्य साधून, देशाचे पंतप्रधान नरेंद्र मोदी यांच्या आवाहनाला प्रतिसाद म्हणून दि. 01 ऑक्टोबर 2023 रोजी “स्वच्छता ही सेवा” या अभियानाअंतर्गत महाविद्यालयाच्या परिसरात स्वच्छता अभियान राबवण्यात आले. यावेळी सीनियर कॉलेज कमिटीचे चेअरमन सुरेशभाऊ स्वार यांच्या हस्ते राष्ट्रपिता महात्मा गांधीजी यांच्या प्रतिमेचे पूजन करण्यात आले. आणि महाविद्यालयातील परिसर, महाविद्यालयातील वर्ग खोल्यांची स्वच्छता उपस्थित विद्यार्थी, प्राध्यापक, कर्मचारी यांनी मिळून केली . याप्रसंगी महाविद्यालयाचे प्राचार्य डॉ. एम. व्ही. बिल्दीकर, उपप्राचार्य डॉ. ए. व्ही. काटे, उपप्राचार्य डॉ. के. एस. खापर्डे, उपप्राचार्य प्रा. डी. एल. वसईकर, कनिष्ठ महाविद्यालयाचे उपप्राचार्य प्रा. मगर सर कनिष्ठ व वरिष्ठ महाविद्यालयातील प्राध्यापक, प्राध्यापिका, शिक्षकेतर कर्मचारी यांची मोठ्या संख्येने उपस्थिती होती. याप्रसंगी महाविद्यालयाचे प्राचार्य डॉ. बिल्दीकर यांनी स्वच्छतेचे महत्व विशद करून आपले मनोगत व्यक्त केले. राष्ट्रीय सेवा योजनेचे सर्व विद्यार्थी स्वयंसेवक, कार्यक्रमाधिकारी, सह कार्यक्रमाधिकारी, प्रा. रवींद्र बोरसे, प्रा. आर. एस. पाटील, राष्ट्रीय छात्र सेनेचे सर्व कॅडेट आणि महाविद्यालय राष्ट्रीय छात्र सेनेचे प्रमुख डॉ. राजेश चंदनशिव आदींनी विशेष परिश्रम घेतले.कार्यक्रमाचे सूत्रसंचालन प्राध्यापक दीपक पाटील यांनी केले.
