आशाताई बच्छाव
कै. नारायणराव अमृतराव देशमुख कला व वाणिज्य महाविद्यालय चांदूरबाजार येथे राष्ट्रीय सेवा योजना दिवस साजरा. मयुर खापरे चादुंर बाजार
स्थानिक कै. नारायणराव अमृतराव देशमुख कला व वाणिज्य महाविद्यालय चांदूरबाजार. येथे राष्ट्रीय सेवा योजना दिवस 25 सप्टेंबर रोजी संपन्न झाला. महाविद्यालयाच्या प्राचार्य डॉ.व्हि. डि. चोरे अध्यक्ष तसेच प्रमुख अतिथी म्हणून प्रा. डॉ. प्रफुल राऊत उपस्थित होते प्रा.डॉ. विनय वसुले यांनी NSS अभियानाचे उद्देश व आवश्यकता सांगितली. डॉ. प्रफुल राऊत यांनी विद्यार्थी जीवनात राष्ट्रीय सेवा योजनेचे महत्त्व विशद केले. NSS मुळे विद्यार्थी कसे घडतात यावर प्रकाश टाकला. अध्यक्षीय भाषणात प्राचार्य डॉ. व्ही. डी. चोरे मॅडम यांनी राष्ट्रीय सेवा योजनेबाबत जागरूकता तसेच विद्यार्थ्यांना एनएसएस अभियानाचे उद्देश व आवश्यकता तसेच समाजाप्रती असलेले कर्तव्य या विषयी विद्यार्थ्यांना जागृत केले. भारत हा युवकांचा देश आहे या योजनेच्या माध्यमातून श्रमप्रतिष्ठा व देशांचा चांगला नागरिक आपल्या युवकांमधून निर्माण व्हावा हा उद्देश ठेवावा असे प्रास्ताविकातून डॉ. मीना वैद्य महिला कार्यक्रम अधिकारी यांनी विशद केले. या कार्यक्रमाचे सूत्रसंचालन प्रा. डॉ. अनिल वैद्य एन.एस.एस कार्यक्रम अधिकारी यांनी केले तर आभार प्रदर्शन कुमारी गायकवाड हिने केले या कार्यक्रमांमध्ये प्रा. डॉ. चवरे, प्रा. रेहान सर, डॉ. सहारे सर व शिक्षक तसेच शिक्षकेतर कर्मचारी उपस्थित होते तसेच एन.एस.एस स्वयंसेवकांनी मोलाचे सहकार्य केले या कार्यक्रमाला B.A व B.C A विद्यार्थी बहुसंख्येने उपस्थित होते.