आशाताई बच्छाव
टोम्पे महाविद्यालयात रक्तदान शिबिर संपन्न
मयुर खापरे चांदुर बाजार
चांदूरबाजार येथील गो. सी. टोम्पे कला, वाणिज्य व विज्ञान महाविद्यालयात गणेश उत्सवाच्या निमित्त राष्ट्रीय सेवा योजनेच्या वतीने रक्तदान शिबिराचे आयोजन करण्यात आले होते. यावेळी संस्थेचे अध्यक्ष मा.भास्करदादा टोम्पे,अमरावती रक्तदान समितीचे अध्यक्ष मा.महेंद्रजी भुतडा, प्राचार्य डॉ. राजेंद्र रामटेके, डॉ. नंदकिशोर गव्हाळे, पीडीएमसी, अमरावती येथील डॉ. अक्षय जोशी, डॉ. अक्षदा वैरागडे प्रामुख्याने उपस्थित होते. याप्रसंगी प्राचार्य डॉ. राजेंद्र रामटेके यांनी रक्तदान हे श्रेष्ठदान आहे असे म्हणून सर्व रक्तदात्यांचे महाविद्यालयाच्या वतीने स्वागत केले तर संस्थेचे अध्यक्ष भास्करदादा टोम्पे यांनी मानवी जीवन जसे अनमोल आहे तसे रक्तदान सुद्धा अनमोल असून त्यामुळे कोणाचे तरी प्राण वाचते असे म्हणून रक्तदानाचे महत्त्व पटवून दिले. या रक्तदान शिबिरात डॉ. पंजाबराव देशमुख मेडिकल कॉलेज, अमरावती येथील वंदना चौधरी, हरीसखान, स्वाती चुडे, परशुराम पवार, सुरज नागपुरे, अभिषेक पाटील, रुचिता जुमडे, मोहिनी पहाडे, मोहित ढोले, साक्षी भोजने, प्रणाली भुसारी, राशी गुल्हाने आणि अमोल तेटू ही डॉक्टर चमू उपस्थित राहून रक्तदान शिबिर यशस्वी केले. या कार्यक्रमाचे सूत्रसंचालन डॉ. लालबा दुमटकर यांनी केले तर आभार डॉ. श्रीकृष्ण उबरहंडे यांनी मानले. या कार्यक्रमाला महाविद्यालयातील प्राध्यापक, कर्मचारी, विद्यार्थी, परिसरातील सामाजिक संघटना उपस्थित राहून रक्तदान केले. या कार्यक्रमाच्या यशस्वीतेसाठी राष्ट्रीय सेवा योजना महिला कार्यक्रम अधिकारी डॉ. युगंधरा गुल्हाने व इतर कर्मचारी यांनी परिश्रम घेतले.