आशाताई बच्छाव
सोनई महाविद्यालयात आंतर महाविद्यालयीन खो-खो स्पर्धा संपन्न… नेवासा,( कारभारी गव्हाणे तालुका प्रतिनिधी)- सावित्रीबाई फुले पुणे विद्यापीठ व अहमदनगर क्रीडा विभाग यांच्या संयुक्त विद्यमाने मुळा एज्युकेशन सोसायटीचे उपाध्यक्ष सन्माननीय उदयन दादा गडाख यांच्या मार्गदर्शनाखाली सोनई येथील मुळा एज्युकेशन सोसायटीचे, कला, वाणिज्य व विज्ञान महाविद्यालयामध्ये आंतर महाविद्यालयीन खो-खो (मुली) स्पर्धा दि. २९ सप्टेंबर २०२३ रोजी आयोजित करण्यात आली. या स्पर्धेमध्ये अहमदनगर जिल्ह्यातून २० संघ सहभागी झाले होते. या स्पर्धेच्या उद्घाटन प्रसंगी प्रमुख पाहुणे नेवासा पोलीस स्टेशनचे पोलीस निरीक्षक श्री डोईफोडे यांनी विद्यार्थ्यांचा खेळातूनच सर्वांगीण विकास होतो तसेच आरोग्य आणि मानसिक स्वास्थ्य विकास करण्याचा मार्ग हा खेळ आहे, असे मत व्यक्त केले. त्याचबरोबर मुळा एज्युकेशन सोसायटीचे सहसचिव डॉ.विनायक देशमुख सर यांनी आपल्या मनोगतातून विद्यार्थ्यांच्या व्यक्तिमत्त्वाची जडणघडण ही खऱ्या अर्थाने खेळातून होते असे मत व्यक्त केले. सोनई महाविद्यालयाचे प्राचार्य डॉ. शंकर लावरे आणि नेवासा महाविद्यालयाचे प्राचार्य डॉ. गोरक्षनाथ कल्हापुरे सर यांनी खेळाडूंना शुभेच्छा दिल्या. महाविद्यालयातील क्रीडा विभागाच्या वतीने क्रीडा समन्वयक डॉ. आरक वंदना यांच्या नियोजनाखाली आयोजित या स्पर्धेत कोपरगाव, राहुरी, शेवगाव, लोणी,नगर शहर, श्रीगोंदा,श्रीरामपूर इत्यादी महाविद्यालयातून संघ सहभागी झाले. याप्रसंगी अहमदनगर क्रीडा विभागाचे सचिव डॉ. देवकाते राजेंद्रकुमार, सहसचिव डॉ.प्रमोद विखे, क्रीडा संचालक डॉ. शांताराम साळवे, डॉ. विजय म्हस्के, डॉ. शरद मगर, प्रा. नितीन वाळुंज, प्रा. चोरमले सतिश, प्रा. धोपावकर हे उपस्थित होते. स्पर्धा यशस्वीतेसाठी डॉ. वंदना आरक, प्रा. तूवर पाटील, डॉ. रवींद्र खंदारे, श्री चक्रनारायण भाऊसाहेब, श्री सोनवणे दिपक तसेच महाविद्यालयातील प्राध्यापक व प्राध्यापकेत्तर सेवक यांनी प्रयत्न केले.