आशाताई बच्छाव
मुखेड तहसिल कार्यालयात अवैध वाहतूक करणारे दोन वाळुचे टिप्पर जप्त
मुख्यमंत्री शिंदे यांच्याकडे कबनुरकर यांनी केली होती तक्रार
पावती सांगली जिल्ह्याची अन वैधता संपलेली
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
मुखेड तालुक्यातून अवैध रेती वाहतुक होत असल्याची तक्रार बाळासाहेबांची शिवसेना शिंदे गटाचे तालुका प्रमुख बालाजी पाटील कबनुरकर यांनी थेट मुख्यमंत्री एकनाथ शिंदे यांच्याकडे केली होती याच तक्रारीने जिल्हा प्रशासन खडबडून जागे होत दि. 09 डिसेंबर 2022 रोजी सायंकाळी 5.30 च्या सुमारास तालुक्यातील सलगरा फाटा येथून रेती वाहतुक करणारे दोन टिप्पर मुखेड तहसिल प्रशासनाने जप्त केले.
मागील एक महिण्यापासुन तालुक्यात अवैध रेती वाहतुकीचा मुद्दा मोठया प्रमाणात गाजत आहे. महसुल विभागाच्या वतीने या अगोदर दोन टिप्पर जप्त करुन मुखेड पोलिस स्टेशनच्या आवारात लावले आहेत. या अनुषंगाने शिंदे गटाचे तालुकाप्रमुख बालाजी पाटील कबनुरकर यांनी थेट मुख्यमंत्री शिंदे यांना तक्रार करीत तालुक्यात मोठया प्रमाणात अवैध रेती वाहतुक होत असुन यात अनेकांचा सहभाग असल्याने प्रधानमंत्री आवास लाभार्थ्यांना रेती सोन्याच्या भावात मिळत आहे. यामुळे गोर गरीब नागरीकांचे घरकुल बांधकाम करण्याचे स्वप्न अंधारमय झाले आहे.
या अवैध रेतीत असणा-यांची चौकशी करावी व अवैध वाळु,मुरुम स्टोन,क्रेशर वाहतुक बंद करावी व प्रधानमंत्री आवास योजनेला घरकुल बांधकाम करण्यासाठी रेती स्वस्त करुन सर्व सामान्य , गोर गरीब नागरीकांना न्याय देण्याचे काम करावे असे निवेदनात नमुद आहे. या पत्राची जिल्हा प्रशासनाने दखल घेत मुखेडच्या महसुल पथकाने दि. 09 डिसेंबर २०२२ रोजी गाडी क्र. एम एच २४ ए. यु. ७७२७ व गाडी क्र. एम एच २४ ए. यु. २७२७ या दोन रेती वाहतुक करणारे टिप्पर जप्त करुन तहसिल कार्यालयाच्या आवारात लावले आहेत. या महसुल पथकात मंडळ अधिकारी प्रकाश यालावाड,
तलाठी नितीन भिसे, शिवाजी तोतरे यांचा समावेश आहे.
पकडण्यात आलेल्या दोन टिप्परचा पंचनामा करण्यात आला आहे.
चौकट
या गाडीत शिवाजी नगर सांगली जिल्ह्यात रेती टाकण्याच्या पावत्या आहेत
तर सदर पावत्याची मुदत संपल्याचे मंडळ अधिकारी प्रकाश यालावाड यांनी सांगितले.
चौकट…
या अगोदर जे दोन टिप्पर जप्त करण्यात आले आहेत. त्यांचा अहवाल उपविभागीय अधिकारी कार्यालयाकडे पाठविण्यात आला आहे. त्यांच्या अहवालानुसार कार्यवाही करण्यात येईल.
व्हि.एन.पाटे
प्रभारी तहसिलदार मुखेड
