आशाताई बच्छाव
भूमी अभिलेख कार्यालयातील खंडू रेंगडे 2500 रुपयाची लाच स्वीकारताना एसीबीच्या जाळ्यात युवा मराठा न्युज पेपर अँड ऑनलाईन वेब पोर्टल महादेव घोलप
करमाळा –
जमिनीची मोजणी करून हद्द कायम करून त्याचा नकाशा प्रिंट देण्यासाठी तीन हजार रुपये लाचेची मागणी करून तडजोडीअंती अडीच हजार घेणाऱ्या पर्यरक्षण भूमापकास लाचलुचपत प्रतिबंधात विभागाने रंगेहात पकडले आहे. खंडू मारुती रेंगडे, वय-४७ वर्षे, पद-परिरक्षण भूमापक, (वर्ग-३) उप अधीक्षक, भूमि अभिलेख कार्यालय करमाळा असे लाच घेताना रंगीहात पकडण्यात आलेल्या भूमापकाचे नाव आहे.
यातील तक्रारदार यांनी त्यांच्या आईच्या नावे मौजे मोरवड येथील गट नं.११ चा ९१/१ मधील १ हेक्टर ३१ आर जमीनीची मोजणे होऊन त्याबाबतच्या हद्दी कायम करुन नकाशाची प्रिंट मिळणेबाबत दि.१७.०१.२०२२ रोजी तातडीचा अर्ज देवून त्याबाबतची शासकिय ३०००/- रुपये चलनाव्दारे भरली होती. यातील तक्रारदार यांनी शासकिय फि चलनाव्दारे भरलेली असताना देखील यातील आलोसे रेंगडे यांनी तक्रारदार यांच्याकडे मोजणी करुन हद कायमचा नकाशा प्रिंट काढणेकामी व इतर कागदपत्रे तयार करण्यास लागणाऱ्या खर्चासाठी तक्रारदार यांच्याकडे ३०००/- रुपये लाचेची मागणी केली. त्यामुळे तक्रारदार यांनी त्यांच्याकडे होत असलेल्या लाच मागणीबाबत अॅन्टी करप्शन ब्यूरो सोलापूर येथे तक्रार दिली.
प्राप्त तक्रारीच्या अनुषंगाने दि.२५.०९.२०२३ रोजी पंचासमक्ष तक्रारीची पडताळणी केली असता यातील आरोपी लोकसेवक खंडू रेंगडे यांनी तक्रारदार यांच्या आईच्या नावे असलेल्या शेत जमीनीची मोजणी करुन त्याबाबतचा हद कायमचा नकाशााची प्रिंट व इतर कागदपत्रे तयार करण्यासाठी तक्रारदार यांच्याकडे ३०००/- रू. लाचेची मागणी करुन तडजोडी अंती २५००/- रुपये लाच रक्कम स्विकारताना त्यांना रंगेहात पकडण्यात आले आहे. यावरून करमाळा पोलीस स्टेशन सोलापूर ग्रामीण येथे गुन्हा दाखल करण्याची प्रक्रिया सुरू आहे.
ही कारवाई लाचलुचपत प्रतिबंधक विभाग, सोलापूर च्या पोलीस निरीक्षक चंद्रकांत कोळी, पोलीस अंमलदार- पोह प्रमोद पकाले, पोकों गजानन किणगी, चापोकों शाम सुरवसे यांचे पथकाने केली.