आशाताई बच्छाव
चांदूरबाजार एसटी बस स्थानकात प्रवाशाचा जीव धोक्यात
किरण सिनकर, आशिष कोरडे, सुमित निंभोरकर, मयूर खापरे व बाबराव खडसे यांच्या समयसूचकता मुळे वाचले वृध्दाचे प्राण
तालुका प्रतिनिधी -मयुर खापरे
चांदूरबाजार बस स्थानकात आगार व्यवस्थापकाचे नियंत्रण राहिले नसून दररोज दुपारी ४ते ६ वेळात विद्यार्थी व प्रवाशाची गर्दी होत असून २१ सप्टेंबरला दुपारी ५.३० ला आगारातच प्रभाकर रेखातेचा एसटी बसमध्ये चढताना अपघात होऊन पाय फ्रॅक्चर झालेला आहे.
दुपारी ५.३० ला देऊरवाडा येथील प्रभाकर गंगाराम रेखाते वय ५५,
हे त्यांच्या पत्नीस औषधा उपचार करिता अमरावती येथे एसटी बसने जाण्याकरता चांदूरबाजार बस स्थानकात आले असता नेहमीप्रमाणे दुपारी ४ ते ६ या वेळात या स्थानकात गर्दी होत असल्याने याही दिवशी प्रवाशाची व विद्यार्थ्यांची गर्दी होती, तेव्हा क्रमांक एम एच ४० एन ९९६९ अमरावती जाणाऱ्या एसटी बस मध्ये चढताना त्यांना एसटीचे गेटचा तुटलेला पत्रा त्यांच्या पॅन्टला लागला तेव्हा ते पडले व मागच्या चाकात त्याचा पाय आल्याने पाय फ्रॅक्चर झाला. या ठिकाणी भारतीय जनता पार्टीचे पदाधिकारी टिकू अहिर वाढदिवसानिमित्त त्यांचे मित्र मंडळी किरण सिनकर, आशिष कोरडे, सुमित निंभोरकर, मयूर खापरे व बाबराव खडसे सोबत एसटी बस स्थानकाचे जवळ त्यांचे मित्रांना भेटण्याकरता आल्यामुळे प्रभाकर रेखाते यांना त्यांनी तातडीने रुग्णवाहिका उपलब्ध करून देऊन दवाखान्यात पाठविले त्यामुळे त्यांचे प्राण वाचले आहे.
यावेळेस आगारातील स्पीकर पूर्णतः बंद होते. तेथे कोणताही सुरक्षारक्षक हजर नव्हता, आगार व्यवस्थापक बस स्थानकाचे मागील बाजूस त्यांचे कार्यालयात १००० मीटर अंतरावर बसतात त्यांना प्रवाशाची कोणतीही फिकर नाही. यामुळे चांदूरबाजार बस स्थानकात प्रवाशाचा जीव धोक्यात आलेला आहे.