आशाताई बच्छाव
रिंधा नावे खंडणी मागणाऱ्या आरोपीस कंधार जिल्हा व सत्र न्यायालयाने दिला जामीन
लोहा,
रिंधा नावाने कांहीं काळ नांदेड सह परिसरात मोठी दहशत निर्माण झाली होती. मात्र पोलिसांच्या कार्यवाहीच्या भीतीने रींधाने नांदेडातून पळ काढला. त्यानंतर रींधा गँगच्या नावे अनेकांनी खंडणी मागण्याचा प्रताप घडवून आणल्याचे अनेक प्रकार समोर आले. त्याच कालावधीत मागील जून महिन्यात रींधाच्या नावाने एका व्यापाऱ्यास कॉल करून एक कोटीची मागणी केली आसता सदरील व्यापाऱ्याने पोलिसांशी संपर्क साधून तक्रार दिली. त्यानुसार ढाकणी शिवरातून सापळा रचून पोलिसांनी आरोपीस अटक केली होती. त्यास कंधार येथील जिल्हा सत्र नायालयात उभे केले असता न्यायालयाने त्यास जमीन मंजूर केला.
लोहा तालुक्यातील ढाकणी शिवारात मागील जून महिन्यात नाट्यमय घडामोड घडली होती. दि. २९ जून रोजी नांदेड येथील व्यापारी तेजस हरिकिशन लोहिया यांना एका भ्रमणध्वनी व्हॉट्स अँप वरून फोन कॉल करत “मैं रींधा बात कर रहा हूँ.” असे म्हणून ” जीवे मारण्याची धमकी देत एक कोटी रुपये खंडणीची मागणी सातत्याने केली. घाबरलेल्या तेजस लोहिया याने प्रारंभी दोन लाख देतो व उर्वरित रक्कम टप्या टप्याने देतो असे सांगून दि. २९ जून रोजी दुपारी १२ वाजताच्या सुमारास लोहा तालुक्यातील ढाकणी शिवारातील एका खडी मशीन केंद्रालागत खंडणी तील रक्कम देण्याचे ठरले. दरम्यान फिर्यादी लोहीयाने उपविभागीय पोलीस अधिकारी गुरव यांना भेटून सदर घटने प्रकरणी तक्रार दिली. त्यानुसार पोलिसांना सदर ठिकाणी सापळा लावला. या प्रसंगी फिर्यादी तेजस लोहिया व आरोपी गुरुदिपसिंग सिंधू यांच्यात झटापट सुरू असताना दबा धरुन बसलेल्या पोलिसांनी आरोपीस पकडण्याचा प्रयत्न केला. पोलिस आल्याचे पाहून बिथरलेल्या आरोपी सिंधू याने पोलिसांच्या दिशेने बंदुकीतून गोळी झाडली. प्रत्युत्तरात पोलिसांनीही आरोपीच्या गाडीच्या दिशेने बंदुकीतून गोळी झाडली. त्यानंतर पोलिसांना आरोपीस प्रयत्नांती पकडण्यात यश मिळाले. सदरील घटने प्रकरणी सोनखेड पोलिसात गुन्हा नोंदविण्यात आला होता.
सदर घटनेतील आरोपी सिंधू यास कंधार येथील जिल्हा व सत्र न्यायालयात उभे केले असता आरोपी गुरूदीपसिंग सिंधू यास न्यायाधीश माधुरी आनंद यांनी जामीन मंजूर केला.
आरोपीकडून अॅड. फय्याज दादेखाँ पठाण यांनी युक्तीवाद केला.