आशाताई बच्छाव
सामाजिक कार्यकर्ते धीरज हाके यांना राजे होळकर सन्मान पुरस्कार
लोहा,
तालुक्यातील मंगरूळ येथील बहुजन चळवळीतील सामाजिक कार्यकर्ते धीरज भैय्या हाके यांनी केलेल्या विविध समाजपयोगी कार्याची दाखल घेत पुणे येथील मौर्य क्रांती संघाच्या वतीने प्रतिष्ठेचा समजला जाणारा राजे विठोबा होळकर सन्मान पुरस्कार नुकताच पुणे येथे प्रदान करण्यात आला.
नुकतीच पुणे येथे चौथी धनगर समाज जागृती परिषद पार पडली. सदरील परिषदेत धनगर समाजाची सद्याची दशा व उद्याची दिशा, धोरणे तसेच समाज संघटन आदी विषयांवर प्रमुख वक्त्यांनी सखोल मार्गदर्शन केले. सदरील कार्यक्रमाच्या अध्यक्षस्थानी बहुजन नायक तथा बामसेफ चे राष्ट्रीय अध्यक्ष
वामन मेश्राम तर उद्घाटक म्हणून गणेश हाके होते.
सदरील परिषदेत मौर्य क्रांती संघाच्या वतीने यंदाचा व प्रतिष्ठेचा समजला जाणारा राजे विठोजी होळकर सन्मान पुरस्कार लोहा येथील युवा सामाजिक कार्यकर्ते तथा वंचित बहुजन आघाडीचे दक्षिण युवा जिल्हाध्यक्ष धीरज भैय्या हाके यांना बहुजन नायक वामण मेश्राम यांच्या हस्ते प्रदान करून गौरविण्यात आले. याप्रसंगी माळेगांव यात्रा येथील सरपंच प्र. हनुमंत धुळगंडे सह मान्यवरांची उपस्थिती होती. हाके यांना मिळालेल्या पुरस्काराबद्दल सर्व स्तरातून त्यांचे कौतुक होत आहे.