आशाताई बच्छाव
विनामुल्य ॲम्बुलन्सच्या वर्धापन
दिनानिमित्त चालकाचा सत्कार
जालना (दिलीप बोंडे ब्युरो चीफ) ः नागपूर – पुणे रस्त्यावरील कन्हैयानगर चौफुली जवळ ज. न. म संस्थान नानिजधाम विनामुल्य ॲम्बुलन्स सेवेला एक वर्ष पूर्ण झाल्याने ॲम्बुलन्सच्या वर्धापन दिनानिमित्त हार घालून तसेच नारळ फोडून व ॲम्बुलन्सचे चालक राजू चव्हाण आणि दक्षता अधिकारी योगेश बहुले यांचा सत्कार करण्यात आला.
जगद्गुरु नरेंद्राचार्यजी महाराज संस्थान नानिजधाम यांच्या माध्यमातून चालणारी विनामूल्य ॲम्बुलन्स सेवा ही रस्त्यावरील अपघात ग्रस्त व्यक्तींसाठी 24 तास कार्यरत असून कन्हैयानगर चौफुली ते देऊळगावराजा, कन्हैयानगर चौफुली ते सिंदखेड राजा पर्यंत व कन्हैयानगर चौफुली ते सोमठाणा फाटा बदनापूर पर्यंत या राष्ट्रीय महामार्गावरती कोठेही वाहनांचा अपघात झाल्यास 8888263030 किंवा 8999940875 या क्रमांकावर संपर्क केल्यास तात्काळ ॲम्बुलन्स त्या अपघाताच्या ठिकाणी पोहचेल आणि त्या अपघात ग्रस्त व्यक्तींना लवकरात लवकर जवळच्या रुग्णालयात दाखल करून अपघातग्रस्त व्यक्तीचे प्राण वाचण्यास मदत होते. अपघातग्रस्त व्यक्तीकडून एकही रुपया न घेता मागील एक वर्षापासून या रस्त्यावर 24 तास कार्यरत असते. आजपर्यंत रुग्णवाहिकेच्या माध्यमातून एका वर्षामध्ये 38 अपघातग्रस्तांची मदत करण्यात आली. दरम्यान, या ठिकाणी उभी असलेली ज. न. म. संस्थानची विनामूल्य ॲम्बुलन्स सेवेच्या माध्यमातून 77 रुग्णांचे प्राण वाचवण्यात यश आले.
यावेळी वर्धापन दिन साजरा करण्यासाठी जिल्हा निरीक्षक विजय देशपांडे, जिल्हाध्यक्ष नवनाथ पवार, मधुकर पवार, देवीलाल भगत, जिल्हा सचिव अमोल निंबाळकर, योगेश बहुले, प्रवीण निंबाळकर आदींची उपस्थिती होती.