आशाताई बच्छाव
रामगव्हाण- टाका- दोदडगाव रस्त्याचाही प्रश्न मार्गी: समृद्धी कारखान्याने घेतला पुढाकार
अंबड/जालना,(दिलीप बोंडे ब्युरो चीफ)-: समृद्धी साखर कारखान्याचे चेअरमन तथा भाजप नेते सतीश घाटगे यांनी आतापर्यंत 250 किलाे मीटरचे शेत पाणंद रस्ते स्वखर्चातून पूर्ण केले आहे. शेतकऱ्यांचे रस्ते खुले करण्याची ही मोहिम पावसाळयातही सुरू आहे. गुरूवारी नालेवाडी येथील नालेवाडी-रामगव्हाण व रामगव्हाण ते सरगर वस्ती दरम्यानच्या रस्त्याचे काम झाल्यानंतर शुक्रवारी रामगव्हाण खुर्द ते रामगव्हाण बुद्रुक व टाका ते दोदडगाव दरम्यान असलेल्या रस्त्याचे काम सतीश घाटगे यांनी सुरू केले.
अंबड तालुक्यातील रामगव्हाण खुर्द ते रामगव्हाण बुद्रुक व टाका ते दोदडगाव शिवारातील रस्ता शेतकऱ्यांसाठी महत्वाचा होता. अनेक वर्षापासून हा रस्ता दुरूस्त करण्याची मागणी दोन्ही गावातील शेतकऱ्यांची होती. अंबड बाजार समितीचे उपसभापती अरूण घुगे यांनी हा रस्ता समृद्धी कारखान्यामार्फत करून देण्याची विनंती सतीश घाटगे यांच्याकडे केली होती. त्यानुसार सतीश घाटगे यांनी शुक्रवारी रामगव्हाण खुर्द ते रामगव्हाण बुद्रुक व टाका ते दोदडगाव रस्त्याच्या कामास सुरूवात केली. भाजपाचे ज्येष्ठ नेते तथा माजी सरपंच कांता बापू म्हस्के, उपसभापती अरुण घुगे, सरपंच रामेश्वर वैद्य, शेरूभाई पठाण, दिनेश चेपटे, भास्कर चेपटे, मुसाभाई शेख, अकबर शेख, दादा पांढरे, किशोर सरकार, बाळू पांढरे, संपत डोमाळे, नवनाथ चेपटे, गणेश चेपटे, पप्पू सरगर यांची उपस्थिती होती.
