आशाताई बच्छाव
शिर्डी साईबाबा संस्थान प्रसादालय चे दोन आचारीना राष्ट्रपती यांनी स्वतः राष्ट्रपती भवनात आमंत्रित केले. राहाता प्रतिनिधी मोहसीन तांबोळी नुकताच राष्ट्रपती यांचा शिर्डी दौरा पार पडला शिर्डीला आल्यानंतर बाबांचे दर्शन घेऊन त्या साईबाबा संस्थान प्रसादालय येथे बाबांचा प्रसाद घेण्यासाठी आल्या तेव्हा त्यांच्यासाठी खास मराठमोळ्या जेवणाची व्यवस्था करण्यात आली होती साई प्रसादाचा आस्वाद घेतल्यानंतर महामहीम राष्ट्रपतींनी देखील जेवणाची विशेष तारीफ करत जेवणात बनवलेली शेंगदाणा चटणी आणि वडापाव स्वादिष्ट होता असे सांगितले व त्यांना संपूर्ण जेवणाबरोबर हे दोन पदार्थ विशेष करून आवडले.या पदार्थांची आठवण राष्ट्रपती महोदयांना स्वस्थ बसू देत नव्हती…म्हणून की काय… त्यांनी दिल्लीला गेल्यानंतर आपल्या राष्ट्रपती भवनाच्या किचन मधील मेनू मध्ये सुद्धा ह्या महाराष्ट्रीयन पदार्थांचा समावेश असावा आणि त्यासाठी साईबाबा संस्थानचे आचारी थेट राष्ट्रपती भवनात बोलवावे असा विचार मनी आला असावा आणि त्यांनी चक्क साईबाबा संस्थानचे मुख्य कार्यकारी अधिकारी पी सिवा शंकर यांना निरोप पाठवत प्रसादालयाच्या त्या दोन्ही आचार्यांना राष्ट्रपती भवनात पाठविण्याची आदेशवजा सूचना करत निमंत्रण दिले आहे
हा ऐतिहासिक क्षण साईबाबा संस्थान,साई प्रसादालय व शिर्डीतील ग्रामस्थांसह लाखो साई भक्तांच्या अभिमानाचा आणि गौरवाचा क्षण असून शिर्डी ग्रामस्थांच्या वतीने या दोन्ही आचार्यांचा सत्कार करण्यात आलाय.
शिर्डी नगरपरिषदेचे माजी नगराध्यक्ष शिवाजी गोंदकर यांनी संकल्पना मांडत शिर्डीच्या शिरपेचात मानाचा तुरा खोवनाऱ्या या दोघा आचार्यांचा ग्रामस्थांच्या वतीने सत्कार करण्याचे ठरविले व हॉटेल टेंपल व्हिव येथे हा सोहळा आयोजित करण्यात आला.
यावेळी माजी नगराध्यक्ष शिवाजी गोंदकर,माजी उपनगराध्यक्ष सुजित गोंदकर,माजी उपनगराध्यक्ष अभय शेळके, माजी उपनगराध्यक्ष निलेश कोते,भाजपचे माजी शहराध्यक्ष सचिन शिंदे,राष्ट्रीय समाज पक्षाचे नानासाहेब काटकर, काँग्रेसचे शहराध्यक्ष सचिन चौगुले,माजी उपनगराध्यक्ष जगन्नाथ गोंदकर,मुस्लिम समाजाच्या वतीने गणी भाई पठाण यांनी आपली मनोगते व्यक्त केली तर उपस्थितांमध्ये जेष्ठ नेते बाबासाहेब कोते,ज्ञानेश्वर गोंदकर,विलास आबा कोते,गोपीनाथ गोंदकर,नारायण लुटे,अशोक गायके,अमोल गायके, डॉ. नचिकेत वर्पे,विनोद संकलेचा,मेहमूद सय्यद,समीर शेख,दत्तू कोते,गणेश कोते,चेतन कोते,प्रकाश गोंदकर,साई गोंदकर यांसह मोठ्या संख्येने ग्रामस्थ उपस्थित होते
